Author: નોબત સમાચાર
સગીરાનું અપહરણ કરી દુષ્કર્મ ગુજારવાના ગુન્હામાં ધ્રોલના શખ્સને ૨૦ વર્ષની કેદસજા
સગીરાને રૂ.૪ લાખનું વળતર ચૂકવવા આદેશઃ
જામનગર તા.૪ : ધ્રોલના એક શખ્સે દોઢેક વર્ષ પહેલાં જામનગરની એક સગીરાનું લગ્ન કરવાની લાલચ આપી અપહરણ કર્યા પછી તેણી પર દુષ્કર્મ ગુજાર્યાની પોલીસમાં ફરિયાદ થઈ હતી. તે કેસ ચાલી જતાં અદાલતે આરોપીને ૨૦ વર્ષની કેદ અને રૂ.૧૭ હજારનો દંડ ફટકાર્યાે છે. ભોગ બનનાર સગીરાને રૂ.૪ લાખ વળતર પેટે ચૂકવાશે.
જામનગરની એક સગીરા ધ્રોલમાં રહેતા મહંમદ અરમાન ઉર્ફે નવાબ મહંમદ સદરૂદ્દીન નામના શખ્સના સં૫ર્કમાં સોશિયલ મીડિયાથી આવ્યા પછી ગઈ તા.૨૫-૯-૨૩ના દિને મહંમદ અરમાન આ સગીરાને લગ્નની લાલચ આપી ભગાડી ગયો હતો. આ શખ્સે તેણીને જુદા જુદા રાજ્યોમાં ફેરવ્યા પછી દુષ્કર્મ ગુજાર્યું હતું.
આ બાબતની પોલીસમાં ફરિયાદ થતાં ધ્રોલ પોલીસે આઈપીસી તથા પોક્સો એક્ટની કલમો હેઠળ ગુન્હો નોંધી આરોપીની ધરપકડ કરી હતી. ઉપરોક્ત કેસ જામનગર સ્થિત ખાસ પોકસો અદાલતમાં ચાલી જતાં અદાલતે જિલ્લા સરકારી વકીલ જમન ભંડેરીની દલીલો ગ્રાહ્ય રાખી આરોપીને તકસીરવાન ઠરાવી ૨૦ વર્ષની કેદની સજા અને રૂ.૧૭ હજારનો દંડ ફટકાર્યાે છે. ભોગ બનનાર સગીરાને કોમ્પેઈન્સેશનમાંથી રૂપિયા ચાર લાખ વળતર પેટે ચૂકવવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
