Author: નોબત સમાચાર
વકફ સંશોધન બિલ પાસ થતા હાંસિયામાં ધકેલાયા ગરીબ મુસ્લિમોને ફાયદોઃ પીએમ મોદી
સંસદના બન્ને ગૃહોમાં મંજુરી પછી આપી પ્રતિક્રિયા
નવી દિલ્હી તા. ૪: સંસદના બન્ને ગૃહોમાં પાસ થયા પછી વકફ સંસોધન બિલ અંગે વડાપ્રધાન નરેન્દ્ર મોદીએ એકસ પર પોતાની પ્રતિક્રિયા પોષ્ટ કરી છે.
વક્ફ સુધારા બિલને સંસદે મંજૂરી આપી દીધી છે. લોકસભા બાદ રાજ્યસભામાં પણ વક્ફ સંશોધન બિલ ૨૦૨૫ પસાર કરવામાં આવ્યું હતું. જેમાં ૧૨૮ સાંસદોએ બિલની તરફેણમાં મતદાન કર્યું હતું જ્યારે ૯૫ એ વિરોધ કર્યો હતો. હવે આ અંગે વડાપ્રધાન નરેન્દ્ર મોદીની પહેલી પ્રતિક્રિયા સામે આવી છે. પીએમ મોદીએ આને ઐતિહાસિક ક્ષણ ગણાવી છે. એકસ પર લખ્યું હતું કે, 'સંસદ દ્વારા વક્ફ સંશોધન બિલ અને મુસ્લિમ વક્ફ (સંશોધન) બિલ પાસ થવું એ સામાજિક અને આર્થિક ન્યાય, પારદર્શિતા અને બધા માટે વિકાસની દિશામાં એક મોટું પગલું છે. આનાથી ખાસ કરીને એવા લોકોને ફાયદો થશે જેઓ હાંસિયામાં ધકેલાઈ ગયા છે અને અત્યાર સુધીમાં જેમનું કોઈએ સાંભળ્યું નથી કે તેમને તક નથી મળી.'
આ અંગે વડાપ્રધાને વધુમાં કહૃાું હતું કે, 'હું એ તમામ સાંસદોનો આભાર માનું છું જેમણે સંસદ અને સમિતિઓની બેઠકોમાં ભાગ લીધો અને પોતાના સૂચનો આપ્યા. હું દેશવાસીઓનો પણ આભારી છું જેમણે સમિતિઓને સૂચનો મોકલ્યા. આ બતાવે છે કે સાથે મળીને વાત કરવી કેટલી મહત્ત્વપૂર્ણ છે.'
પીએમ મોદીએ વધુમાં કહૃાું કે, 'ઘણા વર્ષોથી વક્ફ પ્રણાલીમાં પારદર્શિતા અને જવાબદારીનો અભાવ હતો, જેના કારણે ખાસ કરીને મુસ્લિમ મહિલાઓ, ગરીબ મુસ્લિમોને નુકસાન થયું હતું. હવે જે કાયદો પસાર કરવામાં આવ્યો છે તે આ વ્યવસ્થાને વધુ પારદર્શક બનાવશે અને લોકોના અધિકારોનું રક્ષણ કરશે.'
'અમે હવે એક નવા યુગમાં પ્રવેશી રહૃાા છીએ, જ્યાં વ્યવસ્થા વધુ આધુનિક અને ન્યાયી હશે. અમારો ઉદ્દેશ્ય એ છે કે દરેક નાગરિકને સન્માન અને સમાનતા મળે. આ માર્ગને અનુસરીને, અમે એક મજબૂત, સર્વસમાવેશક અને દયાળુ ભારતનું નિર્માણ કરીશું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
