Author: નોબત સમાચાર
રેંકડી લેવા જતાં મહિલાએ ગાડી ખસેડતા દંપતીએ ગાળો ભાંડી માર માર્યાે: ફરિયાદ
હડિયાણામાં યુવાનને પાઈપ ઝીંકી ફ્રેક્ચર કરી નખાયું:
જામનગર તા. ૪: જામનગરના કાલાવડ નાકા બહાર કોમન પ્લોટમાં રાખેલી રેંકડી લેવા ગયેલા એક મહિલાને ગઈકાલે ત્યાં જ રહેતા દંપતીએ ગાડી ખસેડવા બાબતે ગાળો ભાંડી માર માર્યાે હતો. જ્યારે હડીયાણામાં પાણી ભરવાની બાબતે સપ્તાહ પહેલા યુવાન પર પાઈપથી હુમલો કરી પાંસળી ભાંગી નાખવામાં આવી હતી.
જામનગરના કાલાવડ નાકા બહાર આવેલા સતવારાવાસ નજીક ફરાસવાડામાં રહેતા પરવીનબેન ગફારભાઈ બાબી નામના મહિલાના પતિએ ત્યાં આવેલા કોમન પ્લોટમાં રેંકડી રાખી હતી. ગઈકાલે સવારે તે રેંકડી લેવા ગયેલા પરવીનબેને નજીકમાં પડેલી ગાડી ખસેડતા ત્યાં ધસી આવેલા શબીનાબેન સુલતાન શેરજી અને સુલતાન શબ્બીર શેરજીએ ગાળો ભાંડી ઢીકાપાટુથી માર માર્યાે હતો અને સુલતાને વાળ પકડીને ફડાકા ઝીંક્યા હતા. પરવીન બેને સીટી એ ડિવિઝનમાં ફરિયાદ નોંધાવી છે.
જોડિયા તાલુકાના હડીયાણા ગામમાં રહેતા ઝાપડા લખમણભાઈ મૈયાભાઈ નામના યુવાનને વાલાભાઈ ઝાપડા સાથે સરકારી પાઈપ લાઈનમાંથી પાણી ભરવા બાબતે બોલાચાલી થયા પછી તેનો ખાર રાખી ગઈ તા.ર૭ની સાંજે વાલાભાઈના પુત્ર જલા ઝાપડાએ પાઈપથી હુમલો કરી લખમણભાઈને માર માર્યાે હતો ફ્રેક્ચર સહિતની ઈજા પામેલા આ યુવાનને સારવારમાં ખસેડવામાં આવ્યો છે. તેણે જોડીયા પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
