Author: નોબત સમાચાર
ખંભાળિયા શહેર તથા જિલ્લાભરમાં માતાજીના મંદિરોમાં મહાઆરતી-દર્શન-પૂજાનું વિશેષ આયોજન
ચૈત્રી નવરાત્રી પર્વ નિમિત્તે
ખંભાળિયા તા. ૪: ચૈત્રી નવરાત્રિના પ્રથમ દિને જ ખંભાળિયા શહેર, ગ્રામ્ય વિસ્તારો તથા જિલ્લાના અનેક પ્રસિદ્ધ માતાજીના મંદિરોમાં ભકતો દર્શન, મહાઆરતી તથા પૂજા કરવા ઉમટયા હતાં.
ખંભાળિયામાં સીંઘવી સિકોતેર માતાજી મંદિરે ગાયત્રી ગરબા મંડળ દ્વારા રોજ રાત્રે ૧૦-૩૦થી ૧-૩૦ વાગ્યા સુધી ગરબા નવરાત્રિ દરમિયાન થયા છે. પુષ્કર્ણ બ્રહ્મપુરીના ગાયત્રી માતાજી, ઔદિચ્ય કુટુંબના વારાહી માતાજી, દત્તાણી કુટુંબના રૂડીબામી માતાજી, સતવારા વાડી પાસે ચામુંડા માતાજી, વિજય ચોક પાસે બહુચર માતાજી, કેશોદમાં આવળાઈ માતાજી, ભાતેલમાં આશાપુરા માતાજી, ભાણવડ ઘુમલીમાં આશાપુરા માતાજી, જોડીયાના હડીયાણામાં ખેતલાવ માતાજી, જોગવડ આશાપુરા માતાજીના પ્રાચીન મંદિરો, પીપળીયા કામઈ માતાજીના મંદિરે ભાવિકો ઉમટયા હતાં. અનેક મંદિરોમાં વિશેષ પૂજા દર્શન યોજાયા હતા. ભકતો ઘર સ્થાપન સાથે નવાર્ણ મંત્રજાપ માટે તથા પૂજન અર્ચન કરવા ઉમટયા હતાં.
અનેક મંદિરોમાં આરતીનો લાભ લેવા મોટી સંખ્યામાં ભાવિકો જોડાયા હતા. જોગવડ આશાપુરા માતાજી, ઘુમલી આશાપુરા તથા સમુહી માતાજી મંદિરની લાંબો સમય ચાલતી આરતી ખૂબ જ જાણીતી છે. અનેક ભકતો પોતાના ઘેર પણ માતાજીની સાધનાની આ વિશેષ ગણાતી ચૈત્રી નવરાત્રિમાં જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
