Advertisement
Author: નોબત સમાચાર

ખંભાળિયામાં મિશન ખાખી હેઠળ પરીક્ષાલક્ષી માર્ગદર્શક સેમિનાર

૫ોલીસદળમાં જોડાવા ઈચ્છુક દીકરીઓ માટે

ખંભાળિયા તા. ૪: પોલીસ અધિક્ષકની કચેરી ખંભાળિયામાં બેટી બચાઓ બેટી પઢાઓ યોજના અંતર્ગત  મિશન ખાખી અંગે માર્ગદર્શન સેમિનાર યોજાયો હતો.

જિલ્લા કલેકટર રાજેશ તન્નાની સૂચના અને પોલીસ અધિક્ષક નિતેશ પાંડેનાં માર્ગદર્શન હેઠળ જિલ્લા મહિલા અને બાળ અધિકારીની કચેરી દ્વારા *બેટી બચાવો બેટી પઢાઓ* યોજનાં અંતર્ગત પોલીસ દળમાં જોડાવા ઇચ્છુક દીકરીઓ કે જેમણે ગ્રાઉન્ડ ટેસ્ટ પાસ કરી લીધી છે, તેમને લેખિત પરીક્ષાની તૈયારી માટે પોલીસ અધિક્ષકની કચેરી ખંભાળિયામાં એક માર્ગદર્શન સેમિનારનું આયોજન કરવામાં આવ્યું હતું. જેમાં તજજ્ઞો દ્વારા વિષય અનુરૂપ માર્ગદર્શન આપવામાં આવ્યું હતું.

કાર્યક્રમની રૂપરેખા આપતા જિલ્લા મહિલા અને બાળ અધિકારી ડો.ચંદ્રેશ ભાંભી દ્વારા તમામને આવકારી અને મિશન ખાખીનાં હેતુ વિશે જણાવતા કહૃાું હતું કે, દેવભૂમિ દ્વારકા છેવાડાનો જિલ્લો હોવા છતાં જિલ્લા કલેકટરશ્રીની લાગણી છે કે જિલ્લાની વધુમાં વધુ દીકરીઓ પોલીસ દળમાં પસંદગી પામે અને સમાજની અને દેશની સેવામાં જોડાય. તેના માટે તેમને યોગ્ય માર્ગદર્શન મળી રહે તેવા સેમિનારનું આયોજન કરવામાં આવ્યું હતું.

આ સેમિનારમાં સરકારી વકીલ અલ્પેશભાઈ પરમાર દ્વારા બંધારણની વિવિધ જોગવાઈઓ અને કાયદાઓ તથા તેમાંથી કેવા પ્રકારના પ્રશ્નો પૂછાઈ શકે તેના પર વિગતવાર માહિતી પૂરી પાડવામાં આવી હતી. મહિલા પોલીસ સ્ટેશનનાં પોલીસ ઇન્સ્પેકટર શ્રી જે.જે.ચૌહાણ દ્વારા પરીક્ષામાં સફળતા મેળવવા  માટે મહત્વાકાંક્ષી બનવા અને સમય જોયા વિના મહેનત કરવા પર ભાર મૂક્યો હતો. પોલીસ સબ ઇન્સ્પેકટર ભાવિશાબેન કડછા દ્વારા ઉપસ્થિત તમામ બહેનોને પરીક્ષા પાસ કરી આત્મનિર્ભર બનવા અને દેશની સેવા કરવા માટે પ્રોત્સાહિત કર્યા હતા.  આલાભાઈ એન.મોવર દ્વારા પરીક્ષાના સિલેબસને ધ્યાનમાં લઈને ક્યા કયા પુસ્તકોનો અભ્યાસ કરવો તે અંગે વિગતે માહિતી પૂરી પાડી હતી.

આ સેમિનારમાં પોલીસ વિભાગ દ્વારા આયોજિત ગ્રાઉન્ડ ટેસ્ટ પાસ કરેલી બહેનો, મહિલા અને બાળ અધિકારીની કચેરી તેમજ પોલીસ વિભાગના અધિકારીઓ કર્મચારીઓ હાજર રહૃાા હતા. ઉપરાંત સેમિનારનાં હાજર તમામ પરીક્ષાર્થીઓને *બેટી બચાઓ બેટી પઢાઓ* નો સંદેશ આપતા કપ તેમજ તજજ્ઞોને ઘડિયાળ આપી સન્માનિત કરવામાં આવ્યા હતાં.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh