Author: નોબત સમાચાર
જામનગરમાં બસમાં લોહીનો વેપાર ચલાવતા શખ્સના ઘેરથી ઝડપાઈ ત્રણ લાખની વીજચોરી
પોલીસે વીજ ટૂકડીને સાથે રાખી કરાવ્યું ચેકીંગઃ
જામનગર તા.૪ : જામનગરના રણજીતનગર વિસ્તારમાં મીની બસ ઉભી રાખી તેમાં લોહીનો વેપાર કરતા નિવૃત્ત પોલીસ અધિકારી ના પુત્રને પોલીસે પકડી પાડી રૂ.૧૫ લાખનો મુદ્દામાલ કબજે કર્યા પછી ત્રણ દિવસના રિમાન્ડ પર રહેલા આ શખ્સના રહેણાંક મકાનમાં ગઈકાલે વીજ કંપની દ્વારા કરાયેલા ચેકીંગમાં રૂ.૩ લાખની વીજચોરી મળી છે.
જામનગરના રણજીત નગર વિસ્તારમાં ઉભી રાખવામાં આવેલી એક મીની બસમાંથી પોલીસે કૂટણખાનુ પકડી પાડ્યું હતું. પૂર્વ પોલીસ અધિકારીના પુત્ર અશોકસિંહ પ્રવીણસિંહ ઝાલાની પોલીસે ધરપકડ કરી હતી. આ શખ્સ બહારથી યુવતીઓને બોલાવી મીની બસમાં લોહીનો વેપાર કરાવતો હોવાનો આક્ષેપ મૂકી પોલીસે મીની બસ, મોટર સહિતનો રૂ.૧૫ લાખ ઉપરાંતનો મુદ્દામાલ કબજે કર્યાે હતો.
આ શખ્સની ત્રણ દિવસની રિમાન્ડ પોલીસે મેળવ્યા પછી શરૂ કરેલી પૂછપરછમાં ૫૦૦ જેટલા ફોટા, વીડિયો તથા ઓડિયો ક્લિપ તેના મોબાઈલમાંથી કબજે કરવામાં આવી છે.
પોલીસે આ શખ્સના રહેણાંક મકાનમાં પીજીવીસીએલની ટીમને સાથે રાખી કરેલી ચકાસણીમાં તેના મકાનમાંથી રૂ.૩ લાખની વીજ ચોરી મળી આવી છે. આ શખ્સના મકાનમાં છ એસી, ત્રણ ઓવન, ચાર ગીઝર કાર્યરત હતા. અશોકસિંહ સામે અલગ થી કાર્યવાહી કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
