Author: નોબત સમાચાર
કલ્યાણપુરના ભોપલકામાં પ્રૌઢ કૂવામાં ખાબકી જતાં ફાયરબ્રિગેડની ટીમ દોડી
પ્રૌઢને સલામત રીતે બહાર કાઢી લેવાયાઃ
ખંભાળિયા તા. ૧૨ઃ કલ્યાણપુર તાલુકાના ભોપલકા ગામમાં આવેલા એક વાડી વિસ્તારમાં ગઈકાલે કામ કરી રહેલા એક પ્રૌઢ અકસ્માતે કૂવામાં પડી ગયા હતા. તેઓને ખંભાળિયાથી દોડી આવેલી ફાયરબ્રિગેડની ટીમે ઉગારી લીધા હતા. ઈજા થવાના કારણે આ પ્રૌઢને સારવારમાં ખસેડવામાં આવ્યા છે.
દેવભૂમિ દ્વારકા જિલ્લાના કલ્યાણપુર તાલુકાના ભોપલકા ગામના વાડી વિસ્તારમાં ઘનુભા જાડેજા (ઉ.વ.૪૫) નામના પ્રૌઢ ખેતરમાં કામ કરવા જતા હતા ત્યારે કૂવા પર રાખેલી ભારોટ તૂટી પડતા તેઓ કૂવામાં ખાબકી ગયા હતા.
અત્યંત ઉંચાઈ પરથી કૂવામાં પડતા ઘનુભાને ઈજા થઈ હતી. પાણીમાં પડવાથી થયેલા અવાજના કારણે ત્યાં હાજર લોકો દોડી આવ્યા હતા. કોઈએ ફાયરબ્રિગેડને જાણ કરતા ખંભાળિયાથી ચીફ ફાયર ઓફિસર મીતરાજસિંહ પરમાર તથા સ્ટાફના જીતેન્દ્રસિંહ, શિવરાજસિંહ સહિતની ટીમ આવી પહોંચી હતી. ક્રેઈન તથા એમ્બ્યુલન્સની મદદથી અંદાજે ૧૦૦ ફૂટ ઉંડા કૂવામાંથી ઘનુભાને બહાર કાઢવામાં આવ્યા હતા અને સારવારમાં ખસેડવામાં આવ્યા હતા. રેસ્કયુમાં ફાયરબ્રિગેડના મનસુખભાઈ જોડાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
