Author: નોબત સમાચાર
કાલાવડમાં રિક્ષા સ્ટેન્ડમાં ચલણી નોટ પર એકીબેકી બોલતા છ શખ્સ પકડાયા
દરેડમાં ગંજીપાના વડે જુગાર રમતા ત્રણ ઝડપાયાઃ
જામનગર તા. ૧૨ઃ જામનગરના દરેડમાં ગઈકાલે ગંજીપાનાથી જુગાર રમતા ત્રણ શખ્સને પોલીસે પકડી પાડ્યા છે. કાલાવડમાં ચલણી નોટના નંબર પર જુગાર રમતા છ ઝડપાયા છે. ધ્રોલમાંથી વર્લીબાજની અટકાયત કરવામાં આવી છે.
જામનગર નજીકના દરેડમાં પોલીસચોકી પાસે ગઈકાલે બપોરે જાહેરમાં ગંજીપાના વડે જુગાર રમી રહેલા મુરાદ ઈસ્માઈલ ખફી, પ્રકાશ કચરાભાઈ ગોદરીયા, અમિત ગોવિંદભાઈ કાંજીયા, લખન વીરાભાઈ ચારોલીયા નામના ચાર શખ્સને પોલીસે પકડી લઈ પટમાંથી રૃા.૧૧,૬૩૦ રોકડા કબજે કર્યા છે.
કાલાવડમાં બસ સ્ટેન્ડ પાસે રિક્ષા સ્ટેન્ડમાં ગઈકાલે સાંજે ચલણી નોટના નંબર પર એકી બેકી બોલી જુગાર રમતા અલી કાસમભાઈ ઓડીયા, ઈસ્માઈલ ઈબ્રાહીમ કાદરી, સરફરાઝ સતાર પતાણી, અમીરખાન અસરફખાન પઠાણ, વિજય કાળુભાઈ સીહોરા, મોહસીન દાઉદ પઠાણ નામના છ શખ્સને પોલીસે પકડી લઈ રૃા.૪૦૨૦ રોકડા ઝબ્બે લીધા છે.
ધ્રોલ શહેરના ગાયત્રીનગર પાસે ગઈકાલે સાંજે વર્લીના આંકડા લખી જુગાર રમાડતા હનીફ કરીમ મકવાણા નામના શખ્સને પોલીસે પકડી લીધો હતો. તેના કબજામાંથી રોકડ તથા વર્લીના આંકડા લખેલી ચિઠ્ઠીના બે ટૂકડા કબજે કરી ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
