અક્ષત કળશનું વાજતે-ગાજતે સામૈયાથી સ્વાગતઃ પૂર્વમંત્રી ધર્મેન્દ્રસિંહ જાડેજા દ્વારા પૂજાવિધિ

Author: નોબત સમાચાર

અક્ષત કળશનું વાજતે-ગાજતે સામૈયાથી સ્વાગતઃ પૂર્વમંત્રી ધર્મેન્દ્રસિંહ જાડેજા દ્વારા પૂજાવિધિ

અયોધ્યાથી જામનગરમાં આવેલા

જામનગર તા. ૧રઃ છોટી કાશી જામનગરમાં આગામી રર જાન્યુઆરી ર૦ર૪ ના અયોધ્યામાં ભગવાન શ્રી રામની જન્મભૂમિ ઉપર નિર્મણાધીન મંદિરમાં બપોરે ૧ર કલાક, ર૯ મિનિટ, ૪૩ સેકન્ડે ભગવાન શ્રીરામની પુનઃ પ્રાણ પ્રતિષ્ઠા થવા જઈ રહી છે. જેને લઈને સમગ્ર વિશ્વની સાથે જામનગરમાં પણ આયોધ્યાથી શ્રી રામ જન્મભૂમિ તીર્થક્ષેત્રથી અક્ષત કળશ. આવી પહોંચ્યો છે. આજે રાષ્ટ્રીય સ્વયં સેવક સંઘના જામનગરના બૌદ્ધિક પ્રમુખ નવીનભાઈ શ્રીમાળી, કલ્પભાઈ છાંટબાર, વેદાંતભાઈ જોશી, અક્ષત કળશ લઈને પૂર્વ ધર્મેન્દ્રસિંહ જાડેજાના નિવાસ સ્થાને આવતા જે અક્ષત કળશનું વાજતે-ગાજતે આસ્થાભેર સામૈયા કરી સ્વાગત કરવામાં આવ્યું હતું. પરમ પૂજનીય અને વંદનીય ભગવાન શ્રી રામની જન્મભૂમિ અયોધ્યામાં આકાર લઈ રહેલા રામમંદિર પ્રાણ પ્રતિષ્ઠા મહોત્સવમાં આધુનિક અને શક્તિશાળી ભારતના નિર્માણમાં સતત વ્યસ્ત વડાપ્રધાન નરેન્દ્રભાઈ મોદીના અથાગ અને અડગ પ્રયાસોને કારણે રામ મંદિરનું સ્વપ્ન સાકાર બન્યું છે. આ પવિત્ર શ્રી રામ જન્મભૂમિ તિર્થ ક્ષેત્રના આ અક્ષત કળશ લઈને રાષ્ટ્રીય સ્વયં સેવક સંઘના આગેવાનો આવી પહોંચ્યા હતાં. જ્યાં પૂર્વ મંત્રી ધર્મેન્દ્રસિંહ જાડેજા અને તેના પરિવારજનો દ્વારા પૂજન અર્ચન પણ કરવામાં આવી હતી.

જો આપને આ પોસ્ટ ગમી હોય તો શેર કરો...