ગૌચારા અન્નકોટ તથા ૧૧૧ પ્રકારના રોટલાના અન્નકોટનું આયોજનઃ શ્રીનાથજીની ઝાંખીના દર્શન

Author: નોબત સમાચાર

ગૌચારા અન્નકોટ તથા ૧૧૧ પ્રકારના રોટલાના અન્નકોટનું આયોજનઃ શ્રીનાથજીની ઝાંખીના દર્શન

જલારામ સેવા ટ્રસ્ટ, હાપા દ્વારા

જામનગર તા. ૧રઃ જામનગરમાં જલારામ બાપાનો વિશ્વ વિક્રમી રોટલો બનાવનાર સંસ્થા જલારામ સેવા ટ્રસ્ટ-આપા, પ્રભુદાસ ખીમજી કોટેચા અન્નક્ષેત્ર હોલ, અને મંગળા વિઠ્ઠલેશ ગૌશાળા-જલારામ મંદિર હાપાના સંયુકત ઉપક્રમે ૧૪ જાન્યુઆરીએ મકરસંક્રાંતિના દિવસે ગૌચારા અન્નકૂટ મહોત્સવનું આયોજન કરવામાં આવ્યું છે. જ્યારે બુધવારે ૧૭ જાન્યુઆરીના દિવસે માતૃશ્રી વીરબાઈમાં જલિયાણ અન્નકોટ દ્વારા ૧૧૧ પ્રકારના રોટલા અન્નકોટનું આયોજન કરવામાં આવ્યું છે.

સનાતન ધર્મમા દાન અને અન્નના મહત્ત્વને ધ્યાનમાં રાખીને તેમજ ૩૬ કોટી દેવી-દેવતાના વાસ ધરાવનારા ગૌમાતા લાભાર્થે મકરસંક્રાંતિના પવિત્ર દિવસે સતત ચોથા વર્ષે ગૌચારા અન્નકોટનું આયોજન કરવામાં આવ્યું છે.

તારીખ ૧૭ જાન્યુઆરીના માતૃશ્રી વીરબાઈમાં તેમજ પૂજય જલારામ બાપા દ્વારા શરૃ કરવામાં આવેલા અન્નક્ષેત્રની ઉજવણીના ભાગરૃપે જલારામ સેવા ટ્રસ્ટ-હાપા દ્વારા સતત ૧ર મી વખત ૧૧૧ પ્રકારના રોટલાના અન્નકોટનું આયોજન કરવામાં આવ્યું છે. જે બન્ને અન્નકોટમાં જલારામ ભકતોએ ઉત્સાહભેર ભાગ લેવા અને દર્શનાર્થે પધારવા માટે જલારામ સેવા ટ્રસ્ટ-હાપા દ્વારા અનુરોધ કરવામાં આવ્યો છે.

મકર સંક્રાંતિને રવિવારના સવારે ૯ વાગ્યાથી સાંજે ૭ વાગ્યા સુધી ગૌચારા અન્નકોટનું આયોજન કરવામાં આવ્યું છે, જ્યારે રોટલા અન્નકોટનું આયોજન બુધવાર તા. ૧૭ ના સાંજે ૪ વાગ્યાથી રાત્રેે ૮ વાગ્યા સુધી ધરવામાં આવ્યું છે.

શ્રીનાથજીની આઠ શમાની ઝાંખીના દર્શન પણ યોજાયા હોવાથી સવારે ૯ વાગ્યાથી બપોરે ૧ર વાગ્યા સુધી અને સાંજે પ વાગ્યાથી સાંજે ૭ વાગ્યા સુધી દર્શનનો લાભ લેવા અનુરોધ કરાયો છે.

સમગ્ર મહોત્સવની તૈયારી જલારામ સેવા ટ્રસ્ટ વતી સર્વશ્રી રમેશભાઈ દતાણી, નવનીતભાઈ સોમૈયા, કિરીટભાઈ દતાણી, ભરતભાઈ મોદી, સુરેશભાઈ રૃપારેલ, રાજુભાઈ ચંદારાણા, અતુલભાઈ કાતર, રાજુભાઈ પતાણી, જયેશભાઈ ધામેચા, દિલીપભાઈ મજીઠીયા, પ્રમોદભાઈ રાજાણી, પ્રફુલભાઈ વારા, અતુલભાઈ પુજારા, શૈલેષભાઈ મલકાન, કમલેશભાઈ વસાણી, અને શૈલેષભાઈ કારીયા દ્વારા કરવામાં આવી રહી છે,

આ ઉપરાંત ગૌચારા અન્નકોટ સમિતિમાં રાજુભાઈ હિંડોચા, સુનિલભાઈ તન્ના, મુકેશભાઈ લાખાણી, હિનેશભાઈ દોઢિયા, ચંદ્રવદનભાઈ ત્રિવેદી, લલિતભાઈ જોશી, હસમુખભાઈ પટેલ, જયેશભાઈ ચંદારાણા, ભાવિનભાઈ સચદેવ, જયેશભાઈ પાબારી અને અશોકભાઈ ભદ્રાની નિમણૂક કરવામાં આવી છે. રોટલા અન્નકોટ સમિતિમાં એડવોકેટ ભાવિનભાઈ ભોજાણી, જગદીશભાઈ સોમૈયા, નરોત્તમભાઈ થોભાણી, ધીરેનભાઈ દતાણી, ઉદિતભાઈ સોમૈયા, ભાવેશભાઈ તન્ના, ઉદિતભાઈ પંચમતીયા, વિરલભાઈ બગલ, ભાવેશભાઈ દતાણી, ગિરીશભાઈ વિઠલાણી, અને જયભાઈ દતાણીની નિમણૂક કરવામાં આવી છે.

જો આપને આ પોસ્ટ ગમી હોય તો શેર કરો...