Author: નોબત સમાચાર
જામનગર ગ્રામ્યમાં જિલ્લા કક્ષાના પ્રજાસત્તાક પર્વની ઉજવણી એરપોર્ટ રોડ નજીકના મેદાનમાં
કલેકટરશ્રી બી.કે. પંડયાના અધ્યક્ષ સ્થાને બેઠકઃ
જામનગર તા. ૨૧: જામનગર જિલ્લામાં પ્રજાસત્તાક પર્વની ઉજવણીના આયોજન અંગે કલેકટર કચેરીના સભાખંડમાં કલેકટર બી.કે. પંડ્યાના અધ્યક્ષ સ્થાને બેઠક યોજવામાં આવી હતી. આ વર્ષે જામનગર જિલ્લા કક્ષાના પ્રજાસત્તાક પર્વની ઉજવણી ખંભાળિયા હાઈવે, સ્વામિનારાયણ મંદિરથી આગળ, એરપોર્ટ રોડની સામેના ખુલ્લા મેદાનમાં કરવામાં આવશે. તા. ૨૫ અને તા. ૨૬ જાન્યુઆરીના સૂર્યકિરણ એરોબેટિકસ ટીમ દ્વારા એરોબેટીક શોનું પણ પ્રદર્શન કરવામાં આવશે. તેમજ જામનગર જિલ્લાના તમામ તાલુકાઓમાં તાલુકાકક્ષાએ પ્રજાસત્તાક પર્વની ઉજવણીનું આયોજન કરવામાં આવ્યું છે. સમગ્ર કાર્યક્રમની શાનદાર રીતે ઉજવણી થાય તેના ભાગરૂપે વિવિધ વિભાગના અધિકારીઓને કલેકટર દ્વારા સૂચનો આપવામાં આવ્યા હતા. તેમજ કાર્યક્રમની રૂપરેખા તૈયાર કરી તે દિશામાં કામગીરી કરવા જણાવવામાં આવ્યું હતું. આ બેઠકમાં અધિક નિવાસી કલેકટર બી.એન.ખેર, નાયબ મ્યુનિસિપલ કમિશનર ઝાલા, પ્રાંત અધિકારીઓ તેમજ લગત વિભાગના અધિકારીઓ હાજર રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
