Author: નોબત સમાચાર
ચંગામાંથી પરપ્રાંતિય શખ્સે તરૂણીનું કર્યું અપહરણ
જામનગર તા. ૧૦: જામનગરના ચંગા ગામમાં મજૂરી કરતા સ્થાનિક પરિવારની સવા તેર વર્ષની પુત્રીનું એક પરપ્રાંતીય શખ્સે અપહરણ કર્યાની પોલીસમાં જાણ કરવામાં આવી છે. પોલીસે સગીરા તથા તેને નસાડી જનાર શખ્સના વર્ણન, ફોટા મેળવી તપાસ આદરી છે.
જામનગર-લાલપુર માર્ગ પર આવેલા ચંગા ગામમાં એક ખેતરમાં મજૂરી કરતા સ્થાનિક પરિવારની તેર વર્ષ અને ત્રણ મહિનાની વયવાળી પુત્રી ગઈ તા.૪ની રાત્રે આઠેક વાગ્યે પોતાના રહેણાંકના સ્થળેથી ભેદી સંજોગોમાં લાપત્તા બની જતાં તેણીના પરિવારે શોધખોળ શરૂ કરી હતી. તે દરમિયાન મૂળ મધ્ય પ્રદેશના ધાર જિલ્લાના મેઘા ગામનો સુભાષ મેડા નામનો શખ્સ આ તરૂણીને ફોસલાવીને પોતાની સાથે નસાડી ગયો હોવાની આશંકા પડતા આ સગીરાના વાલીએ પોલીસને જાણ કરી છે. પોલીસે સગીરાનું વર્ણન, ફોટો મેળવી આરોપીની શોધ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
