Author: નોબત સમાચાર
જોડિયાના પીઠડની સીમમાં નદીના પટમાં ધમધમતી દેશી દારૂની ભઠ્ઠી પર દરોડો
બાડા ગામમાં બે મકાનમાંથી મળી આવી દારૂની ભઠ્ઠીઃ
જામનગર તા. ૧૦: જોડિયાના પીઠડ ગામની કોબુ સીમમાં બાવળની ઝાળીઓમાં ધમધમતી દેશી દારૂની ભઠ્ઠી પોલીસે પકડી પાડી છે. ત્યાંથી દારૂ, આથો, ભઠ્ઠીના સાધનો મળી આવ્યા છે. જામનગર તાલુકાના બાડા ગામમાં બે મકાનમાંથી પણ બે ભઠ્ઠી ઝડપાઈ ગઈ છે.
જોડિયા તાલુકાના પીઠડ ગામમાં કોબુ સીમ પાસે નદીના પટમાં દેશી દારૂની ભઠ્ઠી શરૂ થઈ હોવાની બાતમી પરથી ગઈકાલે રાત્રે જોડિયા પોલીસ સ્ટેશનના સ્ટાફે દરોડો પાડતા ત્યાં બાવળની ઝાળીઓમાંથી દેશી દારૂની ભઠ્ઠી મળી આવી હતી. રાજભા વિક્રમસિંહ જાડેજા નામના શખ્સની આ ભઠ્ઠીના સ્થળેથી ૫૦ લીટર આથો, ૧૫ લીટર દારૂ, ભઠ્ઠીના સાધનો, ગેસનો બાટલો અને જીજે-૧૦-ડીડી ૯૫૩૩ નંબરનું બાઈક મળી આવ્યું હતું. પોલીસે ઉપરોક્ત મુદ્દામાલ કબજે કરી રાજભાની શોધ હાથ ધરી છે.
જામનગર તાલુકાના બાડા ગામમાં બાબભા જુવાનસિંહ જાડેજા નામના શખ્સના મકાનમાં ગઈકાલે પંચકોશી-એ ડિવિઝન પોલીસ સ્ટેશનના સ્ટાફે દરોડો પાડતા ત્યાંથી પણ ભઠ્ઠી સાંપડી છે. ૩૫ લીટર આથો, તૈયાર દારૂ, સાધનો કબજે કરાયા છે. જ્યારે મહેન્દ્રસિંહ રાજેન્દ્રસિંહ જાડેજાના મકાનમાંથી ભઠ્ઠીના સાધનો, આથો, દારૂ ઝબ્બે લેવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
