Author: નોબત સમાચાર
દેવભૂમિ દ્વારકા જિલ્લામાં રાત્રે આકાશમાં અનેક સ્થળે સ્ટારલીંક સેટેલાઈટ દેખાતા લોકોમાં કુતૂહલ
ખંભાળીયા તા. ૧૦: દ્વારકા જિલ્લાના ખંભાળીયા, ભાણવડ, દ્વારકા સહિતના ગામોમાં બે દિવસ પહેલા રાત્રે ૮.૩૦ થી ૯ વાગ્યા દરમિયાન આકાશમાં તારાઓની હારમાળા ૮/૧૦ તારાઓની કતાર સરકતી દેખાતા ભારે કુતૂહલ ફેલાયું હતું. શહેરોમાં પ્રકાશને કારણે ઓછું દેખાતું આ દૃશ્ય ગામડાઓમાં ચોખ્ખું દેખાતા લોકો પોતાના સગા-વ્હાલાઓને ફોન કરીને જણાવતા અગાશીમાં લોકો જોવા ઉમટ્યા હતાં.
ત્યારપછી જામનગરના ખગોળ મંડળના સંયોજક કિરીટભાઈ શાહનો વોટ્સએપ પર વાયરલ થયેલો મેસેજ ધ્યાનમાં આવતા જાણ થઈ કે અમેરિકાની સ્પેસ એક્સ સંસ્થા દ્વારા સ્ટારલીંક સેટેલાઈટ આકાશમાં મોકલવામાં આવી હતી. પૃથ્વીની ભ્રમણકક્ષામાં જુદા-જુદા હેતુઓ માટે મૂકવામાં આવેલ આ કૃત્રિમ ઉપગ્રહોની લીંક એકસાથે લાઈનમાં આકાશમાં જતા તારાઓ જેવા આ ઉપગ્રહોનું દૃશ્ય ખૂબ જ જોવા લાયક હતું.
ઉત્તર-પશ્ચિમ દિશામાંથી નીકળેલા અને થોડો સમય આકાશમાં રાત્રે સરકતા રહેલા દક્ષિણ પૂર્વમાં વિલીન થઈ ગયેલ આ સ્ટારલીંક સેટેલાઈટ સમગ્ર વિસ્તારમાં ચર્ચાનું કેન્દ્ર બન્યા હતાં તથા કેટલાકે ફોટા પણ પાડ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
