Author: નોબત સમાચાર
અગાઉ કરેલી પોલીસ ફરિયાદનો ખાર રાખી પ્રૌઢ તથા તેના પુત્ર પર થયો હુમલો
ત્રણ શખ્સે ટોમી ફટકારી માથામાં ઈજા કરીઃ
જામનગર તા. ૧૦: જામનગરની હર્ષદ મીલની ચાલીમાં રહેતા એક પરપ્રાંતિય પ્રૌઢે અગાઉ કરેલી પોલીસ ફરિયાદનો ખાર રાખી ગઈકાલે સાંજે ત્રણ શખ્સે ટોમી વડે હુમલો કરી આ પ્રૌઢ તથા તેના પુત્રને માર માર્યાે હતો.
જામનગરના રણજીત સાગર રોડ પર આવેલી હર્ષદ મીલની ચાલીમાં રહેતા રતન ભાઈ આરમુગમ મુદલીયાર નામના પ્રૌઢ પર ગઈકાલે સાંજે તેમના ઘર પાસે ત્રણ શખ્સે ટોમી વડે હુમલો કર્યાે હતો.
અગાઉ રતનભાઈએ ત્યાં જ રહેતા હૈદર કુતબુદ્દીન શેખ સહિતના શખ્સો સામે પોલીસમાં ફરિયાદ કરી હતી. તેનો ખાર રાખી ગઈકાલે સાંજે હૈદર શેખ તથા સમીર હૈદર શેખ, સરદાર ઉર્ફે ડાડા નામના ત્રણ શખ્સો ટોમી સાથે ધસી આવ્યા હતા. આ શખ્સોએ હુમલો કરી માથામાં ઈજા પહોંચાડી હતી. આ વેળાએ રતનભાઈનો પુત્ર મીત વચ્ચે પડતા તેને પગમાં ટોમી મારવામાં આવી હતી. સારવારમાં ખસેડવામાં આવેલા રતનભાઈએ સિટી-એ ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
