સલાયામાં યુવાને બાકી પૈસાની ઉઘરાણી કરતા ઉશ્કેરાયેલા બે શખ્સે માર માર્યાે

Author: નોબત સમાચાર

સલાયામાં યુવાને બાકી પૈસાની ઉઘરાણી કરતા ઉશ્કેરાયેલા બે શખ્સે માર માર્યાે

નવા મોખાણામાં ખેડૂત પર બે શખ્સ તૂટી પડ્યાઃ

જામનગર તા. ૩૧: જામનગરના નવા મોખાણા ગામમાં એક ખેતર પાસે રીક્ષામાં અર્ધનગ્ન બેસેલા બે શખ્સને એક ખેડૂતે ટપારતા તેમના પર પથ્થર, ઢીકાપાટુથી હુમલો કરાયો હતો. જ્યારે પોતાના ભાભુના દાગીનાના બાકી પૈસા માંગતા સલાયાના યુવાનને બે શખ્સે માર મારી ગાળો ભાંડી હતી.

જામનગર તાલુકાના નવા મોખાણા ગામમાં વસવાટ કરતા અને ખેતીકામ કરતા હેમતભાઈ અરજણભાઈ બોરીચા બુધવારે બપોરે પોતાના ખેતરે ગયા ત્યારે ત્યાં જીજે-૧૦-ટીડબલ્યુ ૯૪૯૮ નંબરની રિક્ષામાં નાઘુના ગામના રામજી નાથાભાઈ કંબોયા અને જામનગરનો જતીશ અમૃતલાલ મકવાણા અર્ધનગ્ન હાલતમાં બેસેલા જોવા મળતા હેમતભાઈએ ત્યાંથી સ્ત્રીઓ પસાર થાય છે તેથી આમ ન બેસવાનું કહેતા બંને શખ્સે ગાળો ભાંડી હતી.

આ બાબતની હેમતભાઈએ મોટાભાઈને ફોન કરીને જાણ કરતા ઉશ્કેરાયેલા રામજી તથા જતીશે માથામાં પથ્થર માર્યા પછી પડી ગયેલા હેમતભાઈને ઢીકાપાટુથી માર માર્યાે હતો. પંચકોશી-બી ડિવિઝન પોલીસ સ્ટેશનમાં ફરિયાદ કરાઈ છે.

ખંભાળિયા તાલુકાના સલાયા ગામમાં મુખ્ય બજાર પાસે રહેતા અરફાઝ અનવર ગજણના ભાભુ જુબેદાબેન ગજણ પાસેથી દસેક વર્ષ પહેલા સલાયાના જ મુસ્તાક તાલમ ભગાડે સોનાના દાગીના વેચાતા લીધા હતા. તેના પૈસા બાકી હતા. આ રકમની મંગળવારે અરફાઝે ઉઘરાણી કરતા ઉશ્કેરાયેલા મુસ્તાક તથા રશીદ સુલેમાન ચમડીયાએ ધોકા, ઢીકાપાટુથી હુમલો કરી અરફાઝને માર માર્યાની સલાયા પોલીસમાં ફરિયાદ થઈ છે.

જો આપને આ પોસ્ટ ગમી હોય તો શેર કરો...