Author: નોબત સમાચાર
ખંભાળિયાના સોનારડી પાસે બે મોટર ટકરાઈઃ પાંચ વ્યક્તિને સામાન્ય ઈજા
એક મોટર ફંગોળાઈને ખેતરમાં જઈ પડીઃ
જામનગર તા. ૩૧: ખંભાળિયાના સોનારડી ગામ પાસે ગઈકાલે એક મોટર સાથે બીજી મોટર ટકરાઈ પડતા એક મોટર ખેતરમાં ફંગોળાઈ ગઈ હતી. તેમાં રહેલા પાંચ વ્યક્તિને નાની મોટી ઈજા થઈ છે. જામનગરના કેટલાક વ્યક્તિઓ ઘવાયા હોવાનું જાણવા મળી રહ્યું છે. આ બનાવનો વીડિયો સોશિયલ મીડિયામાં વાયરલ થયો છે.
ખંભાળિયા-દ્વારકા માર્ગ પર આવેલા ખંભાળિયા તાલુકાના સોનારડી ગામ પાસેથી ટાટા કંપનીની એક મોટર પસાર થતી હતી ત્યારે ઉત્તરપ્રદેશના પાસીંગની મોટર તેની સાથે ટકરાઈ પડતા ટાટા મોટર ફંગોળાઈ હતી અને ખેતરમાં જઈ પડી હતી.
આ વેળાએ જ ત્યાંથી આરટીઓ કચેરીના અધિકારી આંબલીયાભાઈ પસાર થયા હતા. તેઓએ પોતાની મોટર ઉભી રખાવી ફંગોળાયેલી મોટરમાંથી વ્યક્તિઓને બહાર કાઢવાના અન્ય વ્યક્તિઓ સાથે પ્રયાસો શરૂ કર્યા હતા.
વારાફરતી મોટરમાંથી બે બાળક, એક મહિલા તથા બે પુરૂષને કાઢી લેવાયા હતા. પાંચેય ઈજાગ્રસ્તને હોસ્પિટલ ખસેડવામાં આવ્યા હતા. ઉપરોક્ત બનાવ નજીકમાં મુકવામાં આવેલા સીસીટીવી કેમેરામાં કંડારાઈ ગયો હતો. તે પછી તેનો વીડિયો સોશિયલ મીડિયામાં વાયરલ થયો હતો. અકસ્માતની જાણ થતાં પોલીસ ટૂકડી તથા ૧૦૮ની ટીમ ધસી ગઈ હતી. અકસ્માતમાં ઘવાયેલા વ્યક્તિઓ જામનગરના રહેવાસીઓ હોવાનું જાણવા મળી રહ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
