Author: નોબત સમાચાર
ધ્રોલમાંથી ચોરાયેલા ચૌદ ઘેટા બકરા સાથે ત્રણ શખ્સને દબોચી લેતી પોલીસ
ઘેટા બકરા મૂળ માલિકને પરત કરવા કાર્યવાહીઃ
જામનગર તા.૧૮ :ધ્રોલના દેવીપુજકવાસમાંથી બારેક દિવસ પહેલાં ચૌદ ઘેટા બકરાની ચોરી થઈ હતી. પોલીસે શરૂ કરેલી તેની તપાસમાં ખંભાતના રાલેજ ગામમાંથી એક શખ્સને પકડી તેની મોટર કબજે કરી હતી. ત્યારપછી આ શખ્સે આપેલા ત્રણ સાગરિતના નામ પરથી આગળ વધેલી તપાસમાં ત્રણ શખ્સ ઘેટા બકરા સાથે મળી આવ્યા છે. તેની ધરપકડ કરી પોલીસે ઘેટા બકરા તેના મૂળ માલિકને પરત કરવાની કાર્યવાહી હાથ ધરી છે.
ધ્રોલના લતીપર રોડ પર આવેલા દેવીપુજકવાસમાં ત્રણ પશુપાલકના નાના મોટા ૧૪ ઘેટા ગઈ તા.પની રાત્રે ચોરાઈ ગયાની પોલીસમાં ફરિયાદ કરવામાં આવી હતી. તેની શરૂ કરાયેલી તપાસમાં આણંદ જિલ્લાના ખંભાત તાલુકાના રાલેજ ગામમાંથી એક આરોપી ને ધ્રોલ પોલીસે દબોચી લીધો હતો. જેમાં ઘેટા બકરા ભરીને લઈ જવાયા હતા. તે અર્ટીગા મોટર પણ કબજે કરાઈ હતી.
આ આરોપીએ પોતાના અન્ય ત્રણ સાગરિતના નામ પોલીસને આપ્યા હતા. તેની યથાવત રખાયેલી તપાસમાં પીઆઈ એચ.વી. રાઠોડ તથા સ્ટાફે આણંદ જિલ્લાના ખંભાત તાલુકાના રાજપુરના વતની અને હાલમાં રાલેજમાં રહેતા સંદીપ છગનભાઈ પરમાર, મૂળ રાલેજના અને હાલમાં નડિયાદમાં રહેતા દિલીપ જયંતિભાઈ સલાટ અને ભુવેલ ગામના વિજય મંગલસિંહ વાઘેલા નામના ત્રણ શખ્સને દબોચી લેવામાં આવ્યા છે. આ શખ્સોના કબજામાંથી પોલીસે અંંદાજે રૂ.૧ લાખ ૧૮ હજારની કિંમતના ૧૪ ઘેટા બકરા કબજે કર્યા છે અને તેના મૂળ માલિકને પરત આપવા માટે ત્વરિત કામગીરી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
