Author: નોબત સમાચાર
ધ્રોલના ચોરીના ગુન્હામાં સંડોવાયા પછી નાસી ગયેલા બે શખ્સ ઝડપાયા
રૂ. ૨૫ હજાર રોકડા કબજે કરાયાઃ
જામનગર તા. ૨૦: ધ્રોલમાં ગયા વર્ષે ઘરફોડ ચોરી થઈ હતી. તે ગુન્હામાં સંડોવાયેલા ખંભાળિયાના વાડીનાર તથા ભરાણા ગામના બે શખ્સને ધ્રોલ પોલીસે સોયલ ગામ પાસેથી પકડી પાડ્યા છે. બંનેના કબજામાંથી મોબાઈલ તથા રૂ. ૨૫ હજાર રોકડા મળી આવ્યા છે.
ધ્રોલ પોલીસ સ્ટેશનમાં ગયા વર્ષે ઘરફોડ ચોરીનો એક બનાવ બન્યો હતો. તેની નોંધાયેલી ફરિયાદ પછી ગઈકાલે ધ્રોલના પોલીસ સ્ટાફ દ્વારા કરવામાં આવી રહેલા પેટ્રોલિંગમાં મળેલી બાતમીના આધારે સોયલ ગામ નજીક ઉંડ નદીના પુલ પાસે દરગાહ નજીકથી ખંભાળિયાના વાડીનાર ગામના સાહિલ સુલેમાન ગંંઢાર, ભરાણા ગામના રઘુવીરસિંહ હકાજી જાડેજા નામના બે શખ્સને પકડી લેવાયા હતા.
આ શખ્સોની તલાશી લેવાતા રૂ. ૨૫ હજાર રોકડા, એક મોબાઈલ મળી આવ્યો હતો. બંનેની પૂછપરછ કરાતા તેઓએ ઉપરોક્ત ચોરીને અંજામ આપ્યો હોવાની કબૂલાત આપી છે. પોલીસે બંનેની પૂછપરછ હાથ ધરી છે. સાહિલ અગાઉ જામનગરમાં ચોરીના એક બનાવમાં સંડોવાયેલો છે અને રઘુવીરસિંહ સામે વાડીનારમાં દારૂબંધી ભંગનો ગુન્હો નોંધાયેલો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
