Author: નોબત સમાચાર
નવાગામ ઘેડમાં નદીના કાંઠે વંડામાંથી ઝડપાઈ દારૂની ૪૧૪ બોટલઃ આરોપી ફરાર
જૂના રેલવે સ્ટેશન પાસે મકાનમાંથી મળી દેશી દારૂની ભઠ્ઠીઃ
જામનગર તા. ૨૦: જામનગરના નવાગામ ઘેડ વિસ્તારમાં નદીના કાંઠે વંડામાં દારૂનો જથ્થો પડ્યો હોવાની બાતમી પરથી એલસીબીએ દરોડો પાડતા ત્યાંથી ૪૧૪ બોટલ મળી આવી છે. દરોડા પહેલાં આરોપી નાસી ગયો છે. જૂના રેલવે સ્ટેશન પાસે એક મકાનમાંથી એલસીબીએ દેશી દારૂની ભઠ્ઠી ઝડપી લીધી છે.
જામનગરના નવાગામ ઘેડ વિસ્તારમાં આવેલી મધુવન સોસાયટીમાં નદીના કાંઠે એક વંડામાં અંગ્રેજી શરાબનો જથ્થો પડ્યો હોવાની બાતમી એલસીબીના દિલીપ તલાવડિયા, સંજયસિંહ, કાસમ બ્લોચ, હિતેન્દ્રસિંહને મળતા પીઆઈ વી.એમ. લગારીયાની સૂચના અને પીએસઆઈ આર.કે. કરમટા, પી.એન. મોરીના વડપણ હેઠળ રવિવારે બપોરે એલસીબીના સ્ટાફે વિનાયક પાર્ક પાછળ નદીના કાંઠે વંડામાં દરોડો પાડી તલાશી લીધી હતી.
તે વંડામાંથી જીગર મનસુખભાઈ ભાનુશાળી ઉર્ફે રવિ ફુસ નામના શખ્સની ભારતીય બનાવટના અંગ્રેજી શરાબની નાની મોટી ૪૧૪ બોટલ મળી આવી હતી. એલસીબીએ રૂ. ૧૦૨૬૦૦ની કિંમતનો શરાબનો જથ્થો કબજે કરી નાસી ગયેલા જીગર ઉર્ફે રવિ ફુસ સામે સીટી બી ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જામનગરના જૂના રેલવે સ્ટેશન પાસે વેલનગર-૧માં રહેતા જીજ્ઞેશ નરશીભાઈ રાઠોડ ઉર્ફે જીગા ખવાસના મકાનમાં ગઈકાલે સાંજે એલસીબીએ દરોડો પાડી તલાશી લેતા ત્યાંથી દેશી દારૂની ભઠ્ઠી મળી આવી હતી. સ્થળ પરથી દસ લીટર તૈયાર દારૂ તથા દોેઢસો લીટર આથો, ભઠ્ઠીના સાધનો કબજે કરાયા છે. દરોડા પહેલા આરોપી નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
