Author: નોબત સમાચાર
નાગેશ્વર પાસે નદીના પટમાં મકાનમાં ઝડપાયો જુગારઃ છ મહિલા સામે કાર્યવાહી
જામનગર તા. ૨૦: જામનગરના નાગેશ્વર રોડ પર નદીના પટ પાસે એક મકાનમાં જામેલી જુગારની મહેફિલ પર પોલીસે દરોડો પાડ્યો હતો. ત્યાંથી નાલ ઉઘરાવી જુગાર રમાડતા એક મહિલા અને જુગાર રમતા પાંચ મહિલા મળી આવ્યા હતા. પટમાંથી રૂ. ૬૯૦૦૦ રોકડા કબજે કરાયા છે.
જામનગરના નાગેશ્વર વિસ્તારમાં નદીના પટ પાસે એક મકાનમાં જુગાર રમાતો હોવાની બાતમી પરથી સિટી-બી ડિવિઝનના પીઆઈ પી.પી. ઝાની સૂચનાથી પીએસઆઈ કે.ડી. જાડેજા તથા સ્ટાફે દરોડો પાડ્યો હતો. ત્યાં નદીના પટ નજીક એક કારખાનાની સામે મેરૂનબેન મામદભાઈ ખફીના મકાનમાં પોલીસે દરોડો પાડતા ત્યાં નાલ ઉઘરાવી જુગાર રમાડાતો હોવાનું ખૂલ્યું છે. નાલ ઉઘરાવતા મેરૂનબેન તેમજ જુગાર રમતા જયશ્રીબેન રાજેન્દ્રભાઈ વારીયા, રીનાબેન રમેશભાઈ ઝરમરીયા, ગીતાબેન કપિલભાઈ સોનૈયા, મનિષાબેન પ્રતાપભાઈ હરવરા સહિતના પાંચ મહિલા મળી આવ્યા છે. પટમાંથી રૂ. ૬૯ હજાર રોકડા કબજે કરી પોલીસે છએય મહિલા સામે જુગારધારાની કલમ ૪, ૫ હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
