Author: નોબત સમાચાર
જામનગરની મહિલા કોલેજનું આદર્શ મતદાન કેન્દ્ર બન્યું નજરાણું: મતદારો માટે સુવિધાઓ ઉપલબ્ધ
રામસર સાઈટનો દરજ્જો ધરાવતા ખીજડિયા પક્ષી અભ્યારણ્યની થીમ પર
જામનગર તા. ૭: જામનગર જિલ્લામાં સવારના ૭ વાગ્યાથી જ લોકો મતદાન કરવા પહોંચી રહ્યા છે, ત્યારે ૭૮-જામનગર ઉત્તર વિધાનસભા મતવિસ્તારમાં સમાવિષ્ટ ૬૦-એ.કે. દોશી મહિલા કોલેજ જામનગરમાં રામસર સાઈટનો દરજ્જો ધરાવતા ખીજડિયા પક્ષી અભ્યારણ્યની થીમ પરનું આદર્શ મતદાન મથક ઊભું કરવામાં આવ્યું છે. આ આદર્શ મતદાન મથક પર ખીજડિયા પક્ષી અભ્યારણ્યના આકર્ષક ડોટાઓ, અહીં જોવા મળતા પક્ષીઓ અને તેમના વિશેના પોસ્ટર લગાવવામાં આવ્યા છે. ગુજરાતના ર૩ અભ્યારણ્યો પૈકી જામનગરના ખીજડિયા પક્ષી અભ્યારણ્યમાં ૩૦૦ થી પણ વધુ પ્રકારના પક્ષીઓ જોવા મળે છે.
પ્રવાસન વિભાગ દ્વારા ખીજડિયા ગામને સિલ્વર કેટેગરી અંતર્ગત 'બેસ્ટ ટુરીઝમ વિલેજ-ર૦ર૩' એવોર્ડ એનાયત કરવામાં આવ્યો છે. ત્યારે જામનગર જિલ્લાના ગૌરવ સમાન ખીજડિયા પક્ષી અભ્યારણ્યની થીમના આ મતદન મથક પર લોકો મત આપી અભ્યારણ્ય વિશેની પણ માહિતી મેળવી રહ્યા છે. આ મથક ઉપર બેસવાની સુવિધા, પંખાઓ, પીવાનું પાણી, સિનિયર સિટીઝન માટે અલગ સુવિધા, સુરક્ષા વ્યવસ્થા સહિતની સુવિધાઓ ઉપલબ્ધ કરવામાં આવી છે. સવારથી જ અહીં મતદાન કરવા માટે લોકો એકઠા થયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
