અફઘાનિસ્તાને આક્રમક એરસ્ટ્રાઈક કરીને પાક.માં આઈએસઆઈએસના અડ્ડ ાઓ ઉડાવ્યા

Author: નોબત સમાચાર

અફઘાનિસ્તાને આક્રમક એરસ્ટ્રાઈક કરીને પાક.માં આઈએસઆઈએસના અડ્ડ ાઓ ઉડાવ્યા

પાકિસ્તાની હવાઈ હુમલાઓના જવાબમાં

કાબુલ તા. ૧: પાકિસ્તાનને અફઘાનિસ્તાન પર હવાઈ હુમલા કર્યાના બે દિવસ પછી હવે અફઘાને પાકિસ્તાનને ઘરમાં ઘુસીને માર્યુ છે અને એરસ્ટ્રાઈકમાં આઈએસઆઈએસના અડ્ડાઓનો સફાયો કરાયો હોવાનો દાવો કરાયો છેે.

અફઘાનિસ્તાને પાકિસ્તાની હવાઈ હુમલાનો જવાબ હવાઈ હુમલાથી આપ્યો છે. અફઘાનિસ્તાને મધ્યરાત્રિએ પાકિસ્તાનમાં એક મોટી લશ્કરી કાર્યવાહી કરી હતી. અફઘાન વાયુસેનાએ હવે પાકિસ્તાનની અંદર હવાઈ હુમલા કર્યા છે. અફઘાન ફાઇટર જેટ દ્વારા બલુચિસ્તાન અને પાકિસ્તાનના ખૈબર પખ્તુનખ્વામાં બોમ્બ અને શેલ ફેંકવામાં આવ્યા છે. તાલિબાન સરકારે પાકિસ્તાનમાં આતંકવાદી ઠેકાણાઓ પર ફાઇટર જેટ અને ડ્રોનથી બોમ્બમારો કરીને નાશ કર્યો છે.

અફઘાન સંરક્ષણ મંત્રાલયે દાવો કર્યો હતો કે હવાઈ હુમલાએ બલુચિસ્તાનના પિશિન જિલ્લાના સરનાન વિસ્તારમાં આઈએસઆઈએસના સંયુક્ત કેન્દ્રનો નાશ કર્યો હતો. વધુમાં, અફઘાન લડાકુ વિમાનોએ ચિત્રલની શાહ સલીમ ખીણ અને પાકિસ્તાનના ખૈબર પખ્તુનખ્વામાં કમ્બર ખેલમાં આઈએસઆઈએસના ઠેકાણાઓ પર હવાઈ હુમલા કર્યા છે. આ વિનાશક હુમલામાં આતંકવાદી ઠેકાણાઓને નોંધપાત્ર નુકસાન થયું.

અફઘાન સરકારનું કહેવું છે કે હવાઈ હુમલાથી અફઘાનિસ્તાનમાં નાગરિકો પર હુમલાનું કાવતરું ઘડનારા આતંકવાદી ઠેકાણાઓનો નાશ થયો છે. અફઘાન સરકારની કાર્યવાહીથી પાકિસ્તાનમાં આતંકવાદી ઠેકાણાઓને નોંધપાત્ર નુકસાન થયું છે.

વધુમાં, અફઘાન સરકારે પાકિસ્તાનને વધુ હુમલાઓની ચેતવણી આપી છે. અફઘાન સંરક્ષણ મંત્રાલયે જાહેરાત કરી છે કે તે સુરક્ષા માટે ખતરો ઉભો કરતા દરેક ઠેકાણાને પસંદગીપૂર્વક નિશાન બનાવશે.

અફઘાન સંરક્ષણ મંત્રાલયના જણાવ્યા અનુસાર, પાકિસ્તાનમાં હવાઈ હુમલા દરમિયાન નિશાન બનાવવામાં આવેલા ઠેકાણાઓનો ઉપયોગ અફઘાનિસ્તાનની અંદર નાગરિકો સામે તોડફોડની કામગીરી અને હુમલાઓની યોજના બનાવવા માટે કરવામાં આવી રહૃાો હતો. મંત્રાલયે વધુમાં જણાવ્યું હતું કે આ હુમલાઓ અત્યંત ચોકસાઈ સાથે કરવામાં આવ્યા હતા, જેમાં જૂથને નોંધપાત્ર જાનહાનિ અને સંપત્તિને નુકસાન થયું હતું, જ્યારે કોઈ નાગરિક માર્યો ગયો ન હતો.

અફઘાન સંરક્ષણ મંત્રાલયે એ પણ ભાર મૂક્યો હતો કે અફઘાનિસ્તાનની સુરક્ષાને નબળી પાડવા માટે ઉપયોગમાં લેવાતા કોઈપણ સ્થાનને નિશાન બનાવવામાં આવશે. નોંધનીય છે કે અફઘાનિસ્તાન દ્વારા આ કાર્યવાહી પાકિસ્તાન દ્વારા તાજેતરના હુમલાનો જવાબ છે. તાજેતરમાં, પાકિસ્તાને અફઘાન સરહદ નજીક ભૂમિ કાર્યવાહી અને ત્યારબાદ સરહદ પાર હવાઈ હુમલામાં ઓછામાં ઓછા ૩૫ અફઘાન નાગરિકોને મારી નાખ્યા હતા.

આ કાર્યવાહી રવિવારે પાકિસ્તાને અફઘાનિસ્તાન સાથેની તેની સરહદ પર અનેક હવાઈ હુમલા કર્યાના બે દિવસ પછી કરવામાં આવી હતી. અફઘાનિસ્તાનમાં સંયુક્ત રાષ્ટ્ર સહાય મિશન (યુએનએએમએ) અનુસાર, પાકિસ્તાની હુમલાઓમાં ઓછામાં ઓછા ૨૮ નાગરિકો માર્યા ગયા હતા અને ૪૯ અન્ય ઘાયલ થયા હતા.

આ પછી, અફઘાનિસ્તાને જણાવ્યું હતું કે પાકિસ્તાનના નવા હુમલાઓમાં નાગરિક ઘરોને નિશાન બનાવવામાં આવ્યા હતા, જેના કારણે મૃત્યુઆંક ૩૬ થયો હતો અને ૧૬૦ થી વધુ ઘાયલ થયા હતા. તાલિબાને પાકિસ્તાનની કાર્યવાહીને કાયર કૃત્ય અને અત્યાચાર ગણાવ્યો હતો, જેમાં નાગરિકો માર્યા ગયા હતા. પાકિસ્તાન દાવો કરે છે કે તે આતંકવાદીઓને નિશાન બનાવે છે.

બંને દેશો વચ્ચે આટલો તણાવ પહેલી વાર નથી થયો. ગયા વર્ષે, હિસક સરહદી અથડામણો ઘણા અઠવાડિયા સુધી ચાલી હતી, ત્યારબાદ બંને દેશો યુદ્ધવિરામ માટે સંમત થયા હતા. અગાઉ, ૧૬ માર્ચે, પાકિસ્તાને અફઘાનિસ્તાનમાં હવાઈ હુમલા કર્યા હતા. અફઘાનિસ્તાને અહેવાલ આપ્યો હતો કે પાકિસ્તાને એક ડ્રગ પુનર્વસન કેન્દ્રને નિશાન બનાવ્યું હતું.

જો આપને આ પોસ્ટ ગમી હોય તો શેર કરો...