Author: નોબત સમાચાર
કાલાવડના મીઠી વીરડીમાંથી ગંજીપાના વડે જુગાર રમતા ચાર મહિલા ઝડપાયા
લાલપુરના સણોસરામાંથી ચાર પત્તાપ્રેમી ઝબ્બેઃ
જામનગર તા. ૧૦ઃ કાલાવડના મીઠી વીરડી ગામમાં ગંજીપાના વડે જુગાર રમતા ચાર મહિલા મળી આવ્યા હતા. જ્યારે લાલપુરના સણોસરા ગામની સીમમાંથી પોલીસે ચાર પત્તાપ્રેમીની ધરપકડ કરી હતી. બંને સ્થળેથી રોકડ સહિતનો મુદ્દામાલ કબજે કરાયો છે. જોડિયામાંથી એક વર્લીબાજ ઝડપાઈ ગયો છે.
કાલાવડ તાલુકાના મીઠી વીરડી ગામમાં ગઈકાલે બપોરે જુગાર રમાતો હોવાની બાતમી પરથી કાલાવડ શહેર પોલીસ સ્ટેશનના સ્ટાફે દરોડો પાડતા ત્યાંથી ચાર મહિલા જુગાર રમતા મળી આવ્યા હતા.
ત્યાંથી વજીબેન ઝીણાભાઈ રાઠોડ, વનીતાબેન બટુકભાઈ મકવાણા, ચંદ્રિકાબેન અશોકભાઈ બારૈયા, હંસાબેન દિનેશભાઈ રાઠોડ નામના ચાર મહિલા ઝડપાઈ ગયા હતા. પટમાંથી રૃા.૧૦,૦૪૦ રોકડા કબજે કરવામાં આવ્યા છે.
લાલપુર તાલુકાના સણોસરા ગામની ડુંગરભી સીમમાં ગઈરાત્રે ખુલ્લા પટમાં તીનપત્તી રમી રહેલા ભરત ઉર્ફે ટીના વીરાભાઈ ગાગલીયા, દેવશીભાઈ ખીમાભાઈ પાથર, હરીભાઈ ત્રિકમભાઈ જોષી, રાણાભાઈ નારણભાઈ રાઠોડ નામના ચાર શખ્સને લાલપુર પોલીસે દરોડો પાડીને ઝડપી લીધા હતા. પટમાંથી ગંજીપાના તથા રૃા.૧૦,૭૭૦ રોકડા કબજે કરાયા છે. જોડિયાની મુખ્ય બજારમાં ગઈકાલે સાંજે વર્લીના આંકડા લખી જુગાર રમાડતા હનીફ દાઉદ સના નામના શખ્સને પોલીસે વર્લીના આંકડા લખેલી ચિઠ્ઠી તથા રૃા.૮૬૦ સાથે ઝડપી લીધો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
