મોટી ખાવડીમાં હોટલના કમ્પાઉન્ડની ઓરડીમાંથી મળી દારૃની અઢાર બોટલ

Author: નોબત સમાચાર

મોટી ખાવડીમાં હોટલના કમ્પાઉન્ડની ઓરડીમાંથી મળી દારૃની અઢાર બોટલ

કડિયાવાડમાં મકાનમાંથી ઝડપાઈ ત્રણ બોટલઃ

જામનગર તા. ૧૦ઃ જામનગરના મોટી ખાવડી ગામમાં એક હોટલના કમ્પાઉન્ડ સ્થિત ઓરડીમાંથી મેઘપર પોલીસે ઈંગ્લીશ દારૃની ૧૮ બોટલ કબજે કરી છે. જ્યારે કડિયાવાડમાં એક શખ્સના મકાનમાંથી એલસીબીએ ત્રણ બોટલ પકડી પાડી છે. તળાવની પાળ પરથી એક શખ્સને બોટલ સાથે દબોચી લેવામાં આવ્યો છે.

જામનગર-ખંભાળિયા માર્ગ પર આવેલા મોટી ખાવડી ગામમાં એક હોટલ નજીક ઓરડીમાં દારૃનો જથ્થો પડ્યો હોવાની બાતમી પરથી ગઈકાલે રાત્રે મેઘપર પોલીસ સ્ટેશનના સ્ટાફે ત્યાં આવેલી જય કિશન હોટલના કમ્પાઉન્ડ સ્થિત ઓરડીની તલાશી લીધી હતી.

તે ઓરડીમાંથી અંગ્રેજી શરાબની ૧૮ બોટલ મળી આવી હતી. દારૃના જથ્થા સાથે કેશુર ભીખાભાઈ કરંગીયા નામના શખ્સની ધરપકડ કરવામાં આવી છે.

જામનગરના કડિયાવાડ વિસ્તારમાં આવેલા વિશ્વકર્મા ચોક નજીક પોપટ ગાર્ડની શેરીમાં ગઈરાત્રે એલસીબીના સ્ટાફે પૂર્વ બાતમીના આધારે દરોડો પાડી કૌશિક જયંતિભાઈ ચાવડા નામના શખ્સના મકાનની તલાશી લેતાં ત્યાંથી દારૃની ત્રણ બોટલ મળી આવી હતી. આ શખ્સો પોતાના સાગરિત આકાશનું નામ આપ્યું છે. બંને સામે સિટી બી ડિવિઝન પોલીસ સ્ટેશનમાં ગુન્હો નોંધાવાયો છે.

જામનગરના રણમલ તળાવની પાળ પરથી ગઈકાલે રાત્રે પસાર થતાં માધવ બાગની શેરી નં.૫માં રહેતા વિરેન્દ્ર મનહરભાઈ નામના ધોબી શખ્સને શકના આધારે રોકાવી પોલીસે ચેક કરતા તેની પાસેથી ઈંગ્લીશ દારૃની એક બોટલ સાંપડી હતી.

જો આપને આ પોસ્ટ ગમી હોય તો શેર કરો...