Author: નોબત સમાચાર
કચરાની ગાડીમાં કેરણ ભરી પૈસા છાપવાનો કારસો!
'પેક' ગાડી ફરતે કચરાના કોથળા ટીંગાળવા ઉપરાંત
જામનગર તા. ર૪: જામનગરમાં કચરો ભરવાના વાહનમાં કેરણ ભરવામાં આવતી હોવાની ફરિયાદો અવારનવાર ઊઠવા પામે છે. તાજેતરમાં પણ આવા પ્રકારના કૃત્યનો વીડિયો વાયરલ થયો છે, જો કે અમુક મોટા માથા કચરામાંથી કંચન બનાવતા હોવાથી આ કૃત્યને નજર અંદાજ કરવામાં આવે છે.
જામનગરના રામેશ્વર નગર, શિવમ્ સોસાયટીમાં પાવર લાઈન કંપનીના વાહનમાં કચરો ભરવાના બદલે ખાનગી મકાનનો કાટમાળ ભરવામાં આવી રહ્યો હતો, જેનો વીડિયો વાયરલ થયો છે.
શહેરમાંથી કચરો એકત્ર કરીને લઈ જવા માટે કરોડોના ખર્ચે વાહનો ખરીદવામાં આવ્યા છે, અને તેની પાછળ કરોડોનો ખર્ચ થઈ રહ્યો છે. આમ છતાં તેમાં વ્યાપક ભ્રષ્ટાચાર ચાલી રહ્યો છે. કેરણનું વજન કરાવીને તેના બીલો પાસ કરાવવામાં આવે છે, અને આ ભ્રષ્ટાચારને રેલો ઘણો ઉપર સુધી પહોંચે છે, તે ઉપરાંત 'પેક' કચરા ગાડીની ફરતે કોથળા ટીંગાળવાની બાબતે પણ હજુ કાંઈ થયું નથી, જો કે આ પ્રવૃત્તિઓ લાંબા સમયથી ચાલે છે, પરંતુ ઉચ્ચઅધિકારીઓ દ્વારા કોઈ પગલાં લેવાતા નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
