Author: નોબત સમાચાર
ખંભાળિયાના ભરાણામાં મહિલા વીજ કર્મચારીની ફરજમાં કરાઈ રૂકાવટઃ ચકચાર
બાકી બીલ અન્વયે જોડાણ કાપવા જતાં થઈ બબાલઃ
જામનગર તા.ર૪ : ખંભાળિયાના ભરાણા ગામમાં એક ખેતર તથા મકાનના બાકી બીલ અન્વયે વીજજોડાણ કાપવા ગયેલી વીજ કંપનીની ટૂકડીના મહિલા ઈજનેરને બાવળુ પકડી એક શખ્સે ઘરમાંથી કાઢી મૂકી ધમકી આપતા ફરજ રૂકાવટની ફરિયાદ કરાઈ છે.
ખંભાળિયા શહેરના હરસિદ્ધિનગરમાં રહેતા અને વીજ કંપનીમાં જુનિયર ઈજનેર તરીકે ફરજ બજાવતા કાજલબેન એમ. પરમાર અને સ્ટાફ શનિવારે બપોરે ખંભાળિયા તાલુકાના ભરાણા ગામમાં વીજ બીલની વસૂલાત બાકી હોવાના કારણે જોડાણ કાપવા માટે ગયા હતા.
ભરાણા ગામના ખોડુભા બચુભા જાડેજાના ખેતરનંંુ લાઈટ બીલ રૂ.૩૯૫૪ બાકી હતું અને તેના ભાઈ ધર્મેન્દ્રસિંહ બચુભાના ઘરનું રૂ.૬૨૮૦ બીલ બાકી હતું તેથી બંને સ્થળે જોડાણ કાપવાની શરૂ કરાયેલી કામગીરીમાં જોડાણ ન કાપવા દઈ ખોડુભા બચુભાએ મહિલા વીજ કર્મચારીની ફરજમાં રૂકાવટ કરી, બાવળુ પકડી, ધક્કો મારી ત્યાંથી નીકળી જવા ધમકી આપી હતી. કાજલબેને વાડીનાર મરીન પોલીસ મથકે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
