Author: નોબત સમાચાર
સુભાષબ્રિજ પર ખાનગી બસનો ચાલક નશાની હાલતમાં મળી આવતા અટકાયત
ટ્રાફિક શાખાના કર્મીએ તેની સામે ગુન્હો નોંધાવ્યોઃ
જામનગર તા.ર૪ : જામનગરના સુભાષબ્રિજ પર ગઈરાત્રે ટ્રાફિક શાખાના પીઆઈ સહિતના સ્ટાફ દ્વારા કરવામાં આવી રહેલા પેટ્રોલિંગ માં એક ખાનગી બસનો ચાલક નશાની હાલતમાં જણાઈ આવતા તેની અટકાયત કરી લેવાઈ હતી. પોલીસે બીજા ડ્રાઈવર મારફત તે બસને આગળ જવા દીધી હતી.
જામનગરની ટ્રાફિક શાખા સ્ટાફ દ્વારા પીઆઈ એમ.બી. ગજ્જરના વડપણ હેઠળ ગઈ રાત્રે સુભાષબ્રિજ પર વાહન ચેકીંગ કરાતું હતું.
આ વેળાએ ત્યાં આવેલી ખાનગી ટ્રાવેલ્સની એક બસને રોકાવી ટ્રાફિક શાખાના કર્મચારીઓએ તેના ચાલકની તલાશી લેતા આ શખ્સ નશાની હાલતમાં જણાઈ આવ્યો હતો. ટ્રાફિક પોલીસે જીતુભા નારૂભા નામના આ શખ્સની અટકાયત કરી તેની સામે એમવી એક્ટની કલમ ૧૮૫ હેઠળ ગુન્હો રજીસ્ટર કરાવ્યો છે.
અટકાયતમાં લેવામાં આવેલા આ શખ્સને લોકઅપમાં ધકેલી દેવામાં આવ્યો હતો. જ્યારે તે ટ્રાવેલ્સની ઓફિસે જાણ કરી બીજા ડ્રાઈવરની વ્યવસ્થા કરાવી ટ્રાફિક પોલીસે તે બસને જવા દીધી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
