Author: નોબત સમાચાર
જોડિયાના પીઠડમાં બે મહિલા સહિત છ વ્યક્તિનો યુવાન પર ધોકાથી હુમલો
પુનીતનગરમાં યુવકને છરી હુલાવી દેવાઈઃ
જામનગર તા. ૨૭: જામનગરના પુનીતનગરમાં ગઈકાલે સાંજે બે યુવાનને ત્રણ શખ્સે રોકી લઈ ઝઘડો કર્યા પછી એક શખ્સે છરીથી ઈજા પહોંચાડી હતી. જ્યારે જોડિયાના પીઠડમાં એક યુવાન પર બે મહિલા સહિત છએ હુમલો કરી માથામાં ધોકો ફટકાર્યાે હતો.
જામનગરના રામેશ્વરનગર નજીક માતૃઆશિષ સોસાયટીમાં રહેતા યશ રાજેશભાઈ ખાનીયા તથા તેમના મિત્ર ગઈકાલે સાંજે પુનીતનગર પાસેથી મોટરસાયકલમાં જતા હતા ત્યારે રાજવીરસિંહ જીલુભા રાઠોડ, જગદીશસિંહ સુખદેવસિંહ સોઢા, કુલદીપસિંહ વનરાજસિંહ રાઠોડ નામના ત્રણ શખ્સે રોકી બોલાચાલી કર્યા પછી ગાળો ભાંડી હતી.
આ શખ્સોને ગાળો બોલવાની ના પાડતા યશ પર છરીથી રાજવીરસિંહે હુમલો કરી છાતીમાં એક ઘા ઝીંકી દીધો હતો અને બાકીના બે શખ્સે ઢીકાપાટુથી માર મારવા ઉપરાંત પતાવી દેવાની ધમકી આપી હતી.
જોડિયા તાલુકાના પીઠડ ગામમાં રહેતા રસીકભાઈ રામભાઈ સોઢીયા ગઈકાલે પોતાના ભાઈ સાથે ગામમાં જ રહેતા અલ્તાફ કમોરાને તેના ભત્રીજા રેહાન બાબતે કહેવા જતા રેહાનને બોલાવ્યા પછી અલ્તાફ તેમજ રેહાન, ફૈઝલ, સાજીદ કમોરા, સલમાબેન તથા રેહાનના માતાએ ઝઘડો કરી માર મારવા ઉપરાંત અલ્તાફે માથામાં ધોકો ફટકારી દેતા રસીકભાઈને ઈજા થઈ છે. પોલીસે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
