Advertisement
Author: નોબત સમાચાર

કપાયેલો પતંગ લેવા ગયેલા તરૂણને ખેતરની ફેન્સિંગમાંથી વીજ આંચકો

મૃતક તરૂણના પિતાએ નોંધાવી પોલીસ ફરિયાદઃ

જામનગર તા.૧પ : જામજોધપુરના પાટણ રોડ પર આવેલા એક ખેતર પાસે કાલે કપાઈને આવેલો પતંગ લેવા ગયેલા તરૂણને ખેતરની ફેન્સીંગ માંથી વહેતો વીજ પ્રવાહ અડકી જતાં જોરદાર વીજ આંચકો લાગવાથી આ તરૂણનું મૃત્યુ નિપજયું છે. તેના પિતાએ વીજ પ્રવાહ વહેતો મુકનાર ખેડૂત સામે ફરિયાદ નોંધાવી છે.

જામજોધપુરના પાટણ રોડ પર હીના મીલ પાસે રહેતા રામાભાઈ કાનાભાઈ મુસાર નામના રબારી પ્રૌઢનો પુત્ર વિજય ગઈકાલે સવારે પોતાના ઘર પાસે પતંગ ચગાવતો હતો.

આ વેળાએ કપાઈને આવતો એક પતંગ નજીકમાં આવેલા ચંદુભાઈ ઠાકરશીભાઈ બકોરી નામના ખેડૂતના ખેતર પાસે મુકવામાં આવેલી ફેન્સીંગ નજીક પહોંચ્યો હતો. તે પતંગ લેવા જતી વખતે વિજયને તે ફેન્સીંગમાંથી જોરદાર વીજ આંચકો લાગ્યો હતો.

આ બાળકનું મૃત્યુ નિપજતા પિતા રામાભાઈએ જામજોધપુર પોલીસ સ્ટેશનમાં ચંદુભાઈ બકોરી સામે ફરિયાદ નોંધાવી છે. ફેન્સીંગમાં વીજ પ્રવાહ વહેતો મુકવાથી અને તેને અડકવાથી કોઈનું મૃત્યુ થઈ શકે છે તેમ જાણવા છતાં ચંદુભાઈ બકોરીએ વીજ પ્રવાહ વહેતો કર્યાે હોવાથી પોલીસે તેની સામે બીએનએસની કલમ ૧૦૫ હેઠળ ગુન્હો નોંધ્યો છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh