Author: નોબત સમાચાર
નિર્ધારિત સમયથી વધુ વીજ પુરવઠો બંધ રહેતા ખંભાળિયામાં મીની અંધારપટ સર્જાયો
થાંભલાઓ-વીજવાયરોમાં ચાઈનીઝ દોરીઓ ચોટી જતા
ખંભાળિયા તા. ૧પઃ ખંભાળિયામાં ઉત્તરાયણના પતંગો-દોરીએ વીજતંત્રને ધંધે લગાડ્યું હતું અને અંધારપટ જેવી સ્થિતિ સર્જાઈ હતી.
દેવભૂમિ દ્વારકાના ખંભાળિયામાં અંડરગ્રાઉન્ડ વીજવયરોના હોય પતંગો ઊડાડતા વીજ અકસ્માતનો ભય હોય, વીજ તંત્ર દ્વારા અગાઉથી જાહેર કરીને સવારના સાડાસાતથી સાંજે છ વાગ્યા સુધી વીજ પુરવઠો જાહેરાત કરીને સવારે બંધ કરી દીધો હતો, પરંતુ આખો દિવસ શહેરના ઢગલાબંધ સ્થળે વીજવાયરો તથા ટ્રાન્સફોર્મરો પર પતંગો અટવાતા દોરીઓ ખેંચવાને લીધે વાયરો ભેગા થઈ ગયા હોય, સાંજના સાડાચારથી જ વીજ તંત્રના ડેપ્યુટી ઈજનેર રોનક પટેલ, અનિલ વાડિયા વિગેરેની આગેવાનીમાં ચાર ટીમો પતંગો દોરી કાઢવામાં લાગી હતી. દોરી ફસાતા ચાર સ્થળે વીજ વાયરો પણ તૂટ્યા હતાં જે કામગીરી કર્યા પછી વીજપુરવઠો ચાલુ થઈ જતાં રંગમહેલ શાળા પાસે એક ચાઈનીઝ દોરીના પતંગે વાયરો ભેગા કરતા ફરી એક કલાક વીજ પુરવઠો બંધ રહ્યો હતો.
વીજ પુરવઠો તથા સ્ટ્રીટ લાઈટો પણ બંધ થઈ જતા અંધારપટ જેવી સ્થિતિ સર્જાઈ હતી, જો કે શહેર વીજતંત્રની ટીમો દ્વારા સતત થાંભલા પર ચઢીને વીજ વાયરો જોડવા પતંગો દોરી કાપીને વીજ પુરવઠો પૂર્વવત કરવાની કામગીરી પ્રશંસનીય રહી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
