Nobat ના બધા ન્યુઝ તમારા નોટીફીકેસન મેળવવા માટે નીચે I Understand ઉપર ક્લિક કરો.
સાંસદ, કેબિનેટ મંત્રી, મેયર, ડીન, પૂર્વ પદાધિકારીઓ સહિતના મહાનુભાવો રહ્યા ઉપસ્થિત
જામનગરના ધારાસભ્ય દિવ્યેશ અકબરી દ્વારા આ વખતે ૧૪ જાન્યુઆરીએ સતત ત્રીજા જન્મદિવસની ઉજવણી વિવિધ પાંચ સેવા પ્રકલ્પો સાથે કરવામાં આવી હતી. જેમાં કેબિનેટ મંત્રી મૂળુભાઈ બેરા, સાંસદ પૂનમબેન માડમ, શહેર ભાજપ પ્રમુખ સહિતના મહાનુભાવો ઉપસ્થિત રહૃાા હતા, તેઓની ઉપસ્થિતિમાં વધુ ૧૦૮ બાકી રહેલા કુપોષિત બાળકોને દત્તક લેવાયા હતા, બહેનોમાં બ્રેસ્ટ કેન્સરની જાગૃતિ માટે ૨૦૦૦ થી વધુ મેમોગ્રાફી-સ્ક્રીનીંગ સહિતના સેવા પ્રકલ્પને વધુ આગળ ધપાવાયો હતો, ઉપરાંત શહેરની ૨૫૧ નાની દીકરીઓને સર્વાઇકલ કેન્સર માટેની વેક્સિનની કાર્યવાહી ઉપરાંત જામનગર શહેરમાં પ્લાસ્ટિક મુક્ત અભિયાનનો પ્રારંભ કરાવ્યો હતો, તેમજ નગરના ઉત્સાહી રક્તદાતાઓની મદદથી ૬૮૦ બોટલ રક્ત એકત્ર થયું હતું, જે જામનગરની સરકારી જી.જી. હોસ્પિટલની બ્લડ બેન્કમાં દર્દીઓના ઉપયોગ માટે જમા કરાવવામાં આવ્યું છે.
જામનગરના રણજીતનગર વિસ્તારમાં આવેલા લેઉવા પટેલ સમાજમાં યોજાયેલા આ કાર્યક્રમમાં ધારાસભ્ય મેઘજીભાઈ ચાવડા, જામનગર શહેર ભારતીય જનતા પાર્ટીના અધ્યક્ષ ડો. વિમલભાઈ કગથરા, જામનગર જિલ્લા ભાજપના અધ્યક્ષ રમેશભાઈ મુંગરા, મેયર વિનોદભાઈ ખીમસુરીયા, લેઉવા પટેલ સમાજના પ્રમુખ મનસુખભાઈ રાબડીયા, જામનગર શહેર ભાજપના મહામંત્રી પ્રકાશભાઈ બાંભણીયા, વિજયસિંહ જેઠવા, મેરામણભાઇ ભાટુ, જિલ્લા ભાજપના મહામંત્રી દિલીપભાઈ ભોજાણી, જિલ્લા ભાજપના અગ્રણી વિનોદભાઈ ભંડેરી, નગરના ડેપ્યુટી મેયર ક્રિષ્નાબેન સોઢા, સ્ટેન્ડિંગ કમિટીના ચેરમેન નિલેશ કગથરા, શાસક જૂથના નેતા આશિષભાઈ જોશી, દંડક કેતનભાઇ નાખવા, નગર પ્રાથમિક શિક્ષણ સમિતિના ચેરમેન પરસોત્તમભાઈ કકનાણી, વાઇસ ચેરમેન દિનેશભાઈ આલ, જામનગર શહેર જિલ્લાના પૂર્વ ધારાસભ્યો, નગરના પૂર્વ મેયરો, ભારતીય જનતા પાર્ટીના પૂર્વ શહેર પ્રમુખો, ડિસ્ટ્રીક્ટ કો. ઓપરેટિવ બેન્કના ચેરમેન જીતુભાઈ લાલ, પૂર્વ સાંસદ ચંદ્રેશભાઇ પટેલ, માર્કેટિંગ યાર્ડના ચેરમેન મુકુંદભાઈ સભાયા, જી.જી. હોસ્પિટલના ડીન ડો. નંદીની દેસાઈ, સુપ્રિટેન્ડેન્ટ ડો. દિપક તિવારી, મહિલા વિભાગના ડો. શિલ્પાબેન ચુડાસમા, વેપારી મહામંડળના પ્રમુખ સુરેશભાઈ તન્ના, ખોડલધામ સમિતિના આગેવાનો, રણજીતનગર વેપારી મહામંડળના હોદ્દેદારો, શહેર ભાજપ સંગઠનના હોદેદારો, કોર્પોરેટરો, શહેર ભાજપના તમામ વોર્ડ પ્રમુખ તથા કાર્યકર્તાઓ, તેમજ વિવિધ જ્ઞાતિના આગેવાનો, વેપારીઓ સમાજના અન્ય શ્રેષ્ઠીઓ સહિતના મહાનુભાવો ઉપસ્થિત રહૃાા હતા, અને ધારાસભ્ય દિવ્યેશભાઈ અકબરીને જન્મદિવસની શુભકામનાઓ પાઠવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial