Author: નોબત સમાચાર
ઢીંચડા રોડ પર આવેલા પુષ્પક પાર્કમાં બંધ મકાનમાં રૂ.૬૧,૪૦૦ની મત્તા ચોરાઈ
ચારેક દિવસ પછી પરિવાર પરત આવતા ચોરીની જાણ થઈઃ
જામનગર તા.૧પ્: જામનગરના ઢીંચડા રોડ પર આવેલા પુષ્પક પાર્કમાં વસવાટ કરતો એક પરિવાર ચાર દિવસ માટે બહારગામ ગયા પછી બંધ પડેલા તેમના મકાનમાં મુખ્ય દરવાજાનો નકૂચો તોડી નાખી કોઈ શખ્સે અંદરથી સોના, ચાંદીના દાગીના તથા લેપટોપ મળી રૂ.૬૧,૪૦૦ની મત્તાની ચોરી કરી છે.
જામનગરના ઢીંચડા રોડ પર આવેલા પુષ્પક પાર્કમાં વસવાટ કરતા વૈભવભાઈ શ્યામલાલ બૌદ્ધ નામના આસામી પોતાના પરિવાર સાથે ગઈ તા.૬ જાન્યુઆરીના દિને બહારગામ જવા રવાના થયા પછી તા.૧૦ની રાત્રે ઘેર પરત ફર્યા હતા.
તે સમયગાળા દરમિયાન તેમના મકાનના મુખ્ય દરવાજા નો નકૂચો તેમજ તાળા તોડી કોઈ શખ્સ ચોરીના ઈરાદાથી ઘૂસી ગયો હતો. આ શખ્સે અંદર ખાંખાખોળા કર્યા પછી રૂ.૪૫ હજારની કિંમતનું લેપટોપ ઉઠાવવા ઉપરાંત કબાટ ખોલી નાખી તેની તિજોરીમાંથી છ ગ્રામ વજનની સોનાની બુટી, ચાંદીના આઠ સિક્કા, ચાંદીના સાંકળા, ચાંદીનું કડુ તથા શર્ટમાં લગાવવાના ચાંદીના ત્રણ બટન મળી કુલ રૂ.૬૧ હજાર ૪૦૦ની મત્તા ચોરી કરી પોબારા ભણ્યા હતા.
ગયા શુક્રવારે પાછા આવેલા વૈભવભાઈને ચોરીની જાણ થતાં તેઓએ સોમવારે સિટી સી ડિવિઝન પોલીસ સ્ટેશનમાં ફરિયાદ નોંધાવી છે. પીએસઆઈ એસ.એમ. સીસોદીયાએ ગુન્હો નોંધી તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
