Author: નોબત સમાચાર
ખંભાળિયામાં ઉત્તરાયણની ઉમંગભેર ઉજવણીઃ નગરજનોએ મોજ માણી
ચાઈનીઝ દોરી પકડવા ચેકીંગઃ દિવાળી જેવી આતશબાજીઃ
ખંભાળિયા તા. ૧૫: ખંભાળિયામાં ગઈકાલે મકર સંક્રાંતિનો તહેવાર ઉત્તરાયણનો આનંદ લોકોએ ખૂબ જ ઉત્સાહપૂર્વક લીધો હતો.
આગલા દિવસે જ લોકોને વીજ પુરવઠો બંધ રહેવાની જાણ થઈ ગઈ હોય બેટરી તથા ઈન્વેટરો સાથે મોટી બેફલો સાથે પતંગ દોરના ઢગલા લઈને સવારથી લોકો ધાબે-અગાશીએ ચડી પતંગ ઉડાવવા લાગ્યા હતા તો મોટી ઉંમરના વ્યકિતઓ પણ ધાબા પર ખુરશી નાખીને ચીકી ખાતા આનંદ ઉઠાવતા હતા. સાંજે વીજ પુરવઠો મોડો આવતા અંધારાની સ્થિતિમાં ખંભાળિયામાં દિવાળી જેવો માહોલ સર્જાયો હતો. ઠેર-ઠેર મોટી સંખ્યામાં ફટાકડા ફોડીને ઉત્તરાયણની ઉજવણી થઈ હતી તો અગાશીમાં યુવાનોએ દાંડીયારાસની મજા પણ માણી હતી તો કલ્યાણરાયજી મંદિર તથા હવેલીઓમાં પણ પતંગ ઉત્સવ યોજાયા હતા તો એનીમલ કેર તથા અન્ય સંસ્થાઓ તથા સેવાભાવી લોકો પતંગદોર લઈને તથા મીઠાઈ ચીકી લઈને ગરીબ વિસ્તારોમાં વહેંચતા તથા ગાયોને ચરો નાખતા નજરે ચડયા હતા. તો સંક્રાંતિમાં રાશિ મુજબ દાન કરનારા પણ મોટી સંખ્યામાં ઉમટી પડયા હતા. બજારો સવારથી તથા આગલા દિવસથી વિવિધ પતંગોથી ઉભરાઈ હતી. તથા પોલીસ તંત્ર દ્વારા પણ ચાઈનીઝ દોરી સંદર્ભમાં કડક પગલા-ચેકીંગની કાર્યવાહી પણ થઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
