Author: નોબત સમાચાર
ધ્રોલમાંથી ઘેટા-બકરા તથા બોકળાની ચોરી કરનાર શખ્સ ઝબ્બેઃ એક ફરાર
જામનગર તા.૧૫ : ધ્રોલ સ્થિત દેવીપૂજકવાસમાં થોડા દિવસ પહેલાં ૧૪ ઘેટા-બકરા અને એક બોકળાની ચોરી થઈ હતી. તે ચોરીનો ભેદ પોલીસે ઉકેલી આણંદ જિલ્લાના રાલેજ ગામમાંથી એક શખ્સની અટક કરી તેના સાગરિતની શોધ હાથ ધરી છે અને જેમાં ઘેટા, બકરા લઈ જવાયા હતા તે મોટર કબજે કરી છે.
ધ્રોલના લતીપર રોડ પર આવેલા દેવીપુજકવાસમાં રહેતા ત્રણ પશુપાલકના ૧૪ ઘેટા, બકરા તથા એક બોકળાની ગઈ તા.પની રાત્રે ચોરી થઈ ગયાની પોલીસમાં ફરિયાદ કરાઈ હતી.
તે ગુન્હાની તપાસ ધ્રોલ પોલીસ સ્ટેશનના પીઆઈ એચ.વી. રાઠોડની સૂચનાથી સ્ટાફે શરૂ કર્યા પછી આણંદ જિલ્લાના ખંભાત તાલુકાના રાલેજ ગામે પોલીસ કાફલો ધસી ગયો હતો. ત્યાંથી સજીત જયંતિભાઈ સલાટ નામના શખ્સની અટકાયત કરાઈ હતી.
આ શખ્સને ધ્રોલ ખસેડી પૂછપરછ કરાતા તેણે જીજે-૭ - ડીએ ૭૦૫ નંબરની અર્ટીગા મોટરમાં પોતાના ત્રણ સાગરિત સાથે મળી ઘેટા-બકરા ચોરી કર્યાની કબૂલાત આપી છે. પોલીસે તેની રૂ.૩ લાખની મોટર કબજે કરી સંદીપ છગનભાઈ સલાટ નામના શખ્સના સગડ દબાવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
