Author: નોબત સમાચાર
હરિરામ બાપાના ધર્મપત્ની મણીમાંનુ નિધનઃ શોક
ધુનડા પુરણધામના સદ્ગુરૂ સંત
જામનગર તા. ૧૫ ધુનડા પુરણધામના પૂજય સંત હરિરામબાપાના ધર્મપત્ની મણીમાંનુ ગઈકાલે મકરસંક્રાંતિના દિવસે નિધન થયું છે.
સર્વદાતા સદ્દગુરુ સંત શ્રી હરિરામ બાપાના ધર્મપત્ની અને જગત જનની જગદંબા સત્માં મણીમાંના દિવ્ય દેહ ભૌતિક સંસારમાંથી મકરસક્રાંતિને પોષ વદ- એકમને સંવત- ૨૦૮૧ને તા-:૧૪-૦૧-૨૦૨૫ને મંગળવારે ગુરુ ચરણ પામેલ છે. જગત જનની જગદંબા સત્માં મણીમાંના દિવ્ય દેહ મુક્તિ પાલખીયાત્રા તા. ૧૭-૦૧-૨૦૨૫ ગુરુવારે ૧ વાગ્યે બપોરે છે. પૂજ્ય મણીમાંની સમાધી ૩ વાગ્યે પુરણધામ, ઘૂનેશ્વર, ઘૂનડા, જામજોધપુર, જામનગરમાં લેવામાં આવશે, તેમ જણાવાયું હતું.
ઉલ્લેખનીય છે કે, પુરણધામ ઘુનેશ્વર ગામમાં અલક્ષ અવતારી પૂજ્ય સત હરિરામ બાપાનો આશ્રમ છે, જે અગાઉ ઘૂનડા તરીકે ઓળખાતું હતું. એક ગ્રામીણ, પૂજ્ય સંત હરિરામ બાપા સમયાંતરે પૂર્વજોના ઘરની મુલાકાત લેતા. તેની સાથે પરિવારના સભ્યો અને ક્યારેક શિષ્યો પણ આવતા. પૂજ્ય સંત હરિરામ બાપાના શબ્દોની ચુંબકતા એવી હતી કે તેમના કાકાના ફાર્મહાઉસના આગળના પ્રાંગણમાં એક નાનકડા સમૂહ સાથેના સ્વયંસ્ફુરિત પ્રવચનો ઉત્તરોત્તર વધુને વધુ તેમની સંતવાણી પ્રત્યે આકર્ષિત થતા ગયા. નજીકના ગામડાના ગ્રામજનો પૂજ્ય બાપાની મુલાકાતની આતુરતાથી રાહ જોતા હતા અને જ્યારે પણ પૂજ્ય બાપા મુલાકાત લેતા ત્યારે તેમનો સત્સંગ સાંભળવા મોટી સંખ્યામાં ભેગા થતા હતા. સત્સંગ આજે પણ થાય છે અને તેમાં મોટી સંખ્યામાં ભક્તો ભાગ લે છે. પૂ. મણીમાંના નિધનથી શોક છવાયો છે.
અન્ય સમાચારો
