Author: નોબત સમાચાર
જામનગર મકાનમાંથી ઈંગ્લીશ દારૂની બોટલોનો જથ્થો મળી આવ્યો: સ્કૂટર માંથી પણ મળી આવ્યો શરાબનો જથ્થો
.
ખુલ્લા ફાટક પાસે સ્કૂટરમાંથી ૧૮ બોટલ સાંપડીઃ
જામનગર તા. ૪: જામનગરના દિગ્વિજય પ્લોટ વિસ્તારમાં એક મકાનમાંથી એલસીબીએ ઈંગ્લીશ દારૂની ૧૯ બોટલ પકડી પાડી છે. ખેતીવાડી ફાર્મ પાસે બાવરી વાસમાંથી સ્કૂટરમાં ૧૮ બોટલ લઈને જતાં બે શખ્સ ઝડપાયા છે. આ શખ્સોએ સપ્લાયરનું નામ આપ્યું છે.
જામનગરના દિગ્વિજય પ્લોટ વિસ્તારની શેરી નં.૫૮માં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી એલસીબીના મયુદ્દીન સૈયદ ઘનશ્યામ ડેરવાડીયા, કિશોર પરમારને મળતા પીઆઈ વી.એમ. લગારીયાને વાકેફ કરાયા પછી ગઈકાલે બપોરે એલસીબી સ્ટાફે એક હોસ્પિટલ નજીક વસવાટ કરતા ચિરાગ વિજયભાઈ કટારમલ નામના શખ્સના મકાનમાં દરોડો પાડ્યો હતો. ત્યાંથી ઈંગ્લીશ દારૂની ૧૯ બોટલ મળી આવી હતી. દરોડા પહેલાં નાસી ગયેલા ચિરાગની શોધ કરાઈ રહી છે.
જામનગરના દિગ્જામ સર્કલ નજીકના ખુલ્લા ફાટક પાસે બાવરીવાસમાં સ્કૂટરમાં દારૂની હેરાફેરી થતી હોવાની બાતમી મળતા એલસીબી સ્ટાફે ત્યાં વોચ રાખી હતી.
તે દરમિયાન જ્યુપીટર સ્કૂટર પર જઈ રહેલા ભાવિક વિનોદભાઈ ભદ્રા ઉર્ફે છાબો તથા દીપુ કમલભાઈ વઢીયાર નામના બે શખ્સ ભારતીય બનાવટના અંગ્રેજી શરાબની ૧૮ બોટલ સાથે મળી આવ્યા હતા. દારૂ, બે મોબાઈલ, સ્કૂટર મળી કુલ રૂ.૧,૧૯,૭૩૨નો મુદ્દામાલ કબજે કરાયો છે. આ શખ્સોએ હિંગળાજ ચોકવાળા સંજય ભદ્રા ઉર્ફે સંજુ બેના પાસે બોટલ લીધાનું કબૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
