Author: નોબત સમાચાર
ફલ્લા પાસે સર્જાયેલા અકસ્માત અંગે બોલેરોચાલક સામે પોલીસમાં કરાઈ રાવ
એક વૃદ્ધનું નિપજ્યું હતું મૃત્યુઃ નવને થઈ હતી ઈજાઃ
જામનગર તા. ૧૪: જામનગર-રાજકોટ ધોરીમાર્ગ પર ફલ્લા પાસે કાલે સવારે સિક્કાના પરિવારની બોલેરો પલ્ટી મારી ગઈ હતી. આ અકસ્માતમાં એક વૃદ્ધનું મૃત્યુ નિપજ્યું હતું અને નવ વ્યક્તિને નાની મોટી ઈજા થઈ હતી. એક ઈજાગ્રસ્તે મોટરના ચાલક સામે ફરિયાદ નોંધાવી છે. પુત્રીના લગ્ન લખવાના પ્રસંગ માટે બોટાદ જતાં આ પરિવારની મોટર આડે કૂતરૃં ઉતરતા અકસ્માત સર્જાયો હતો.
જામનગર તાલુકાના સિક્કા ગામમાં હરીજનવાસમાં રહેતા રવિ લખુભાઈ પરમાર તેમજ તેમના પરિવારના પ્રેમજીભાઈ, નાથાભાઈ, મુળજીભાઈ, માલાભાઈ વાલાભાઈ પરમાર (ઉ.વ.૬૦), મનોજ ભીખાભાઈ, દિનેશભાઈ, ભીખાભાઈ સહિતના વ્યક્તિઓ ગઈકાલે સવારે જીજે-૧૧- ટીટી ૬૦૨૪ નંબરની બોલેરો મોટરમાં સિક્કાથી બોટાદ જવા નીકળ્યા હતા.
આ વેળાએ બાબુભાઈ લખુભાઈ પરમાર ડ્રાઈવીંગ કરી રહ્યા હતા. આ પરિવાર બોટાદ લગ્ન લખવાના શુભ પ્રસંગમાં જઈ રહ્યો હતો. તેઓનું વાહન જ્યારે ફલ્લા ગામ પાસે સર્કલમાં પહોંચ્યું ત્યારે અચાનક જ કૂતરૂ આડું ઉતરતા બાબુભાઈએ સ્ટીયરીંગ પરનો કાબૂ ગૂમાવ્યો હતો. તેથી બોલેરો પલ્ટી મારી ગઈ હતી.
આ અકસ્માતમાં પ્રેમજીભાઈ, નાથાભાઈ, મુળજીભાઈ, ભીખાભાઈ, મનોજ તેમજ બાબુભાઈ અને દિનેશભાઈને નાની મોટી ઈજા થઈ હતી અને રવિ પરમારના મોટાબાપુ માલાભાઈ વાલાભાઈને કપાળમાં ઈજા થતાં તેઓનું મૃત્યુ નિપજ્યું હતું પોલીસે રવિ પરમારની ફરિયાદ પરથી મોટરચાલક બાબુભાઈ લખુભાઈ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
