Author: નોબત સમાચાર
કચરાની ગાડીએ બાઈકને ઠોકર મારી નિપજાવ્યો અકસ્માતઃ દંપતી થયું ઘાયલ
અંબર સર્કલ પાસે વહેલી સવારે સર્જાયો અકસ્માતઃ
જામનગર તા. ૨: જામનગરના અંબર સર્કલ પાસે બે સપ્તાહ પૂર્વે વહેલી સવારે ડોર ટુ ડોર કચરો એકત્ર કરતી વાન ડબલસવારી મોટર સાયકલ સાથે ટકરાઈ પડતા દંપતી ઘવાયું છે. ઈજાગ્રસ્તના પુત્રએ કચરાની ગાડીના ચાલક સામે પોલીસમાં ફરિયાદ નોંધાવી છે.
જામનગરના બેડી વિસ્તારમાં માધાપર ભુંગા પાસે રહેતા ઓસમાણભાઈ હુંદડા તથા તેમના પત્ની ગઈ તા.૧૬ની સવારે અંબર સર્કલ પાસેથી જીજે-૧૦-બીએક્સ ૮૧૦૬ નંબરના મોટરસાયકલ પર જતા હતા ત્યારે ગુલાબનગર તરફથી પુરપાટ ઝડપે જીજે-૧૦-ટીએક્સ ૨૭૨૨ નંબરની ડોર ટુ ડોર કચરો એકઠો કરતી વાન ધસી આવી હતી. આ વાહનના ચાલકની બેદરકારીના કારણે કચરાની ગાડી મોટરસાયકલ સાથે ટકરાઈ પડી હતી. ફંગોળાઈ ગયેલા ઓસમાણભાઈને ઈજા થઈ છે અને તેમના પત્નીને ફ્રેક્ચર થઈ ગયું છે. ઈજાગ્રસ્તના પુત્ર હુસેનભાઈ હુંદડાએ કચરાની ગાડીના ચાલક સામે પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
