Author: નોબત સમાચાર
એનડીપીએસ એક્ટના ગુન્હામાં નાસી ગયેલા બે આરોપીની કરી લેવાઈ ધરપકડ
જુદા જુદા ૧૬ જેટલા ગુન્હા નોંધાયેલા છેઃ
સલાયા તા. ૨: સલાયામાં થોડા સમય પહેલાં ઝડપાયેલા ગાંજાના પ્રકરણમાં સંડોવાયેલા બે શખ્સ નાસતા ફરતા હતા તેને સલાયા મરીન પોલીસ તથા એસઓજીએ પકડી પાડ્યા છે. આ શખ્સો સામે એનડીપીએસ એક્ટ હેઠળ તેમજ ચોરી અને શરીર સંબંધી ૧૬ જેટલા ગુન્હા સલાયા, ખંભાળિયા તથા જામનગર પોલીસ મથકમાં નોંધાયેલા છે.
ખંભાળિયા તાલુકાના સલાયામાં ગાંજાની હેરાફેરી તથા વેચાણ અંગે અગાઉ પોલીસે સલાયાના હુસેની ચોકમાં રહેતા સિક્યુરિટી ગાર્ડ અકરમ રઝાકભાઈ સંઘાર નામના શખ્સને પકડી પાડ્યો હતો. આ શખ્સ સામે એનડીપીએસ એક્ટ હેઠળ ગુન્હો નોંધ્યો હતો.
ઉપરોક્ત ગુન્હામાં સલાયાના રીઝવાન રઝાક સંઘાર નામના શખ્સની સંડોવણી પણ ખૂલી હતી ત્યારથી આ શખ્સ નાસતો ફરતો હતો. ઉપરોક્ત આરોપી પોતાના બાઈકમાં ખંભાળિયાથી કચ્છ હાજીપીર જવા નીકળ્યો છે. તેવી બાતમી મળતા સલાયા મરીન પોલીસ સ્ટેશનના પીઆઈ સીંગરખીયા તથા એસઓજી ટીમે વોચ રાખી હતી. જેમાં આરાધના ધામ પાસેથી આ શખ્સ મળી આવ્યો હતો. તેણે પોતાનો અન્ય એક સાગરિત એજાઝ રઝાક સંઘાર કચ્છમાં હોવાની વિગત પોલીસને આપી હતી. જેના પગલે પોલીસ ટીમ કચ્છ દોડી ગઈ હતી ત્યાંથી એજાઝને પણ દબોચી લેવાયો છે.
આ બંને શખ્સ સામે તે ઉપરાંત જુદા જુદા ૧૬ જેટલા ગંભીર ગુન્હા નોંધાયેલા છે. જેમાં જામનગરના સિટી-એ ડિવિઝનમાં પણ વર્ષ ૨૦૨૧માં એક ગુન્હો નોંધાયેલો છે. બંને શખ્સની પૂછપરછ હાથ ધરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
