Author: નોબત સમાચાર
રાજકોટમાંથી ઝડપાયેલા ડ્રગ્સમાં જામનગરની મહિલા, શખ્સની અટક
જામનગરના શખ્સે એમ.ડી. ડ્રગ્સ મંગાવ્યું હતું:
જામનગર તા.૨૫ : રાજકોટના રેલવે સ્ટેશન પરથી મેફેડ્રોન ડ્રગ્સ સાથે ઝડપાયેલી મહિલાની પૂછપરછમાં જામનગરની એક અન્ય મહિલા તથા ડ્રગ્સ મંગાવનાર જામનગરના શખ્સની પોલીસે ધરપકડ કરી છે.
રાજકોટના રેલવે સ્ટેશન પર ગયા સપ્તાહે આવેલી દુરંતો એક્સપ્રેસમાં ડ્રગ્સનો જથ્થો લાવવામાં આવી રહ્યો છે તેવી બાતમીના આધારે રેલવેની એસઓજી ટીમે વોચ રાખી હતી. જેમાં યાસ્મીન નામની મહિલા ઉતરતા તેની તલાશી લેવાઈ હતી. આ મહિલા પાસેથી ડ્રગ્સ મળી આવ્યું હતું.
મેફેડ્રોન નામનું ડ્રગ્સ કબજે કરી એસઓજીએ પૂછપરછ શરૂ કરતા આ મહિલાએ જામનગરના ખોજાવાડ વિસ્તારમાં રહેતા અને ગેરેજ ચલાવતા અઝરૂદ્દીન કાસીમ દરજાદાએ ડ્રગ્સ મંગાવ્યાની કબૂલાત આપી હતી. પોલીસે અઝરૂદ્દીન અને જામનગરમાં ગોલ્ડન સિટી પાસે આવાસમાં રહેતી સાયરા ઈમરાન ભગાડ નામની મહિલાની પણ ધરપકડ કરી હતી.
આગળ વધેલી તપાસમાં ખૂલ્યું હતું કે, જામનગરના અઝરૂદ્દીન દરજાદાએ ડ્રગ્સ લેવા જવા માટે સાયરાને કહ્યું હતું પરંતુ સાયરા ન જતા યાસ્મીન મુંબઈ પહોંચી હતી અને ડ્રગ્સ લઈને પરત આવતી વખતે રેલવે એસઓજીએ તેણીને દબોચી લીધી હતી. સાયરા તથા યાસ્મીન એક એક વખત મુંબઈથી ડ્રગ્સ લઈ આવી છે. ત્રીજી વખત યાસ્મીન ડ્રગ્સ લેવા ગઈ અને પોલીસે દબોચી લીધી હતી. દરેક વખતે આ મહિલાઓને રૂ.૧૦-૧૦ હજાર આપવામાં આવ્યા હતા. મુંબઈથી નીઝામ નામના શખ્સે ડ્રગ્સનો જથ્થો આપ્યો હોવાનું ખૂલ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
