Author: નોબત સમાચાર
ખંભાળિયાના યુવાનને હૃદયરોગનો હુમલો
આમરામાં ખેડૂતને વીજ આંચકો ભરખી ગયોઃ
જામનગર તા. ૨૦: દેવભૂમિ દ્વારકા જિલ્લામાં હૃદયરોગના હુમલાએ વધુ એક જિંદગી ભરખી છે. ખંભાળિયાના યુવાનનું હૃદયરોગનો હુમલો આવી જતાં મૃત્યુ થયું છે. જ્યારે આમરા ગામમાં પાણીના કૂવા પાસે ઈલેકટ્રીક મોટરમાંથી વીજ આંચકો લાગતા એક યુવાન પર કાળનો પંજો પડ્યો છે.
ખંભાળિયા શહેરમાં સલાયા ફાટક પાસે વસવાટ કરતા જીતુભાઈ મૂળુભાઈ ગઢવી (ઉ.વ.૪૩) નામના યુવાન પોતાના ઘરે હતા ત્યારે છાતીમાં દુખાવો ઉપડતા તેઓને સારવાર માટે લઈ જવાની તજવીજ કરાઈ હતી. આ યુવાનનું હૃદયરોગનો હુમલો આવી જવાથી મૃત્યુ નિપજ્યું છે. મૃતકના નાનાભાઈ કમલેશભાઈ ધમાએ પોલીસને જાણ કરી છે. હૃદયરોગના હુમલાથી દ્વારકા જિલ્લામાં વધુ એક યુવાનનું મૃત્યુ નોંધાયું છે.
જામનગર-ખંભાળિયા માર્ગ પર આવેલા વસઈ ગામ સામેના આમરા ગામના વાડી વિસ્તારમાં રહેતા અને ત્યાં જ ખેતીકામ કરતા સોનગરા ભગવાનજીભાઈ હરજીભાઈ (ઉ.વ.૪૧) નામના યુવાન ગયા શનિવારે સાંજે પોતાના ખેતરમાં આવેલા કૂવા પાસે હતા ત્યારે તેઓને કોઈ રીતે ઈલેકટ્રીક મોટરમાંથી વીજ આંચકો લાગ્યો હતો.
બેશુદ્ધ બની ગયેલા આ યુવાનને સારવાર માટે જામનગરની જી.જી. હોસ્પિટલમાં ખસેડવામાં આવ્યા હતા. જ્યાં તેમનું મૃત્યુ નિપજ્યું છે. વસંતભાઈ રમેશભાઈ સોનગરાએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
