Author: નોબત સમાચાર
હાઈગ્રેડ બોક્સાઈટના ખનન-વહનના કેસમાં બે બંધુને સાડા ત્રણ વર્ષની કેદ
સરકારી જમીનમાં ગેરકાયદે કર્યું હતું ખોદકામઃ
જામનગર તા.૩૧: કલ્યાણપુરના સતાપર-ધોળવા ગામના બે બંધુ સામે આઠ વર્ષ પહેલાં હાઈગ્રેડ બોક્સાઈટ સરકારી જમીનમાંથી ખોદી કાઢવા અંગે માઈન્સ સુપરવાઈઝરે ફરિયાદ નોંધાવી હતી. તે કેસમાં અદાલતે બંને આરોપીને કુલ સાડા ત્રણ વર્ષની સખત કેદની સજા અને રોકડનો દંડ ફટકાર્યાે છે.
દેવભૂમિ દ્વારકા જિલ્લાના કલ્યાણપુર તાલુકાના સતાપર ધોળવા ગામના રણમલ વીરાભાઈ પોસ્તરીયા, મેરામણ વીરાભાઈ પોસ્તરીયા નામના બે બંધુએ સરકારી જમીનમાં મંજૂરી મેળવ્યા વગર જ ખોદકામ કરી હાઈગ્રેડ બોક્સાઈટ ખોદી કાઢવા ઉપરાંત તેમાંથી ૩૦૫ ટન બોકસાઈટનું વહન કર્યાની આઠ વર્ષ પહેલાં ફરિયાદ કરવામાં આવી હતી.
અંદાજે રૂ.ર કરોડ ર૧ લાખ ઉપરાંતના બોક્સાઈટને ખોદી કાઢવામાં આવ્યું હોવાનો આક્ષેપ મૂકવામાં આવ્યો હતો. કલ્યાણપુર પોલીસ મથકમાં ખાણ ખનીજ કચેરીના માઈન્સ સુપરવાઈઝર ભાવેશ વાલસુરે ફરિયાદ નોંધાવતા પોલીસે ગુન્હો નોંધી આરોપીઓની ધરપકડ કરી હતી.
ઉપરોક્ત કેસ ખંભાળિયા કોર્ટમાં ચાલી જતાં અદાલતે આઈપીસી ૧૨૦ (બી), ૩૭૯ના ગુન્હામાં બંને આરોપીને તક્સીરવાન ઠરાવી અનુક્રમે છ મહિના તથા ત્રણ વર્ષની સખત કેદની સજા અને અનુક્રમે રૂ.પ હજાર અને રૂ.૧૫ હજારનો દંડ ફટકાર્યાે છે. ઉલ્લેખનીય છે કે, આઠ વર્ષ પહેલાં પ્રથમ વખત હાઈગ્રેડ બોક્સાઈટ ચોરીનો ઉપરોક્ત ગુન્હો નોંધાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
