Author: નોબત સમાચાર
જામનગરની યુવતીની આત્મહત્યાના કેસમાં એક આરોપીનો થયો છૂટકારો
દસેક વર્ષ પહેલાં યુવતીએ કરી હતી આત્મહત્યાઃ
જામનગર તા.૧ : જામનગરની એક યુવતીએ દસ વર્ષ પહેલાં આત્મહત્યા કરી હતી. તેણીની મનાતી સ્યુસાઈડ નોટ મળી આવી હતી. જેના આધારે આ યુવતીને આત્મહત્યાની દુષ્પ્રેરણા સહિતના ગુન્હાની નોંધ કરાઈ હતી. આ કેસમાં સંડોવાયેલા એક આરોપીનો અદાલતે છૂટકારો ફરમાવ્યો છે.
જામનગરની એક કોલેજમાં અભ્યાસ કરતી એકવીસ વર્ષની યુવતીએ દસ વર્ષ પહેલાં ઝેરી દવા પીને આત્મહત્યા કરી હતી તેની અંતિમવિધિ પૂર્ણ કર્યા પછી ઘેર આવેલા પરિવારે તેણીના રૂમમાં તપાસ કરતા એક ચિઠ્ઠી મળી આવી હતી. જેમાં બાબુ દેવા કનારા, પરેશ ભાયાભાઈ, અનિલ ભાયાભાઈ નામના શખ્સોએ તેણીનું અવાર નવાર શારીરિક શોષણ કરી, વીડિયો બનાવી બ્લેકમેઈલ કરી હોવાથી તેણી આત્મહત્યા કરતી હોવાનું લખેલુ હતું.
તે બાબતની યુવતીના પિતાએ પોલીસમાં ફરિયાદ નોંધાવતા પોલીસે ઉપરોક્ત ત્રણ શખ્સ અને અનિલ જગદીશભાઈ થાપલીયા સામે ગુન્હો નોંધ્યો હતો અને આરોપીની ધરપકડ કરી હતી.
ઉપરોક્ત કેસ જામનગરની અદાલતમાં ચાલી જતાં આરોપી પૈકીના અનિલ જગદીશભાઈ તરફથી રોકાયેલા વકીલે દલીલ કરી હતી કે, આ આરોપી ઉપરોક્ત મામલામાં સંડોવાયેલા હોય તેવો કોઈ પુરાવો રેકર્ડ પર આવ્યો નથી. અદાલતે તે દલીલ ગ્રાહ્ય રાખી આરોપી પૈકીના અનિલ જગદીશભાઈ થાપલીયાનો છૂટકારો ફરમાવ્યો છે. આરોપી તરફથી વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયા રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
