Author: નોબત સમાચાર
જામજોધપુર પોલીસે પકડેલા સાત લાખના દારૂના કેસમાં દિલ્હીના શખ્સના આગોતરા
બેએક વર્ષ પહેલાં ઝડપાયો હતો ઈંગ્લીશ દારૂનો જથ્થોઃ
જામનગર તા.૧ : જામજોધપુર પોલીસે અઢી વર્ષ પહેલાં એક બોલેરો મોટરમાંથી ઈંગ્લીશ દારૂની ૭૯૭ બોટલ કબજે કરી હતી. તે મોટરના ચાલક સહિતના આરોપીઓ ઝડપાયા હતા. આરોપીઓએ તે દારૂ દિલ્હીના શખ્સે મોકલાવ્યો હોવાની કબૂલાત આપી હતી. આ શખ્સ સામે અદાલતે વોરંટ ઈસ્યુ કર્યા પછી તેણે આગોતરા જામીન મેળવવા કરેલી અરજી અદાલતે મંજૂર રાખી છે.
જામજોધ૫ુર પોલીસ સ્ટેશનના સ્ટાફ દ્વારા કરવામાં આવી રહેલા પેટ્રોલિંગમાં એક બોલેરો પીકઅપ વાન શંકાસ્પદ લાગતા તેને રોકવા માટે ઈશારો કરાયો હતો. તે મોટર ઉભી રહેવાના બદલે નાસવા માંડી હતી. પોલીસે ફિલ્મી ઢબે તેનો પીછો શરૂ કરતા બોલેરો ચાલક વાહન મૂકીને નાસી ગયો હતો.
બોલેરોની તલાશી લેવાતા તેમાંથી ઈંગ્લીશ દારૂની ૭૯૭ બોટલ મળી આવી હતી અને આર્મીના કપડા, નેમપ્લેટ અને તેમાં વિવેક કોળી નામ લખેલુ જોવા મળ્યું હતું. તે કબજે કરી પોલીસે શરૂ કરેલી તપાસમાં આરોપીઓ ઝડપાયા હતા અને દારૂ દિલ્હીના રવિન્દ્ર ગણેશીલાલ લહેરકાએ મોકલ્યાનું ખૂલ્યું હતું.
બે વર્ષ સુધી આ આરોપીની શોધ કરાઈ હતી. તે પછી અદાલતે વોરંટ ઈસ્યુ કર્યું હતું. આ આરોપીએ આગોતરા જામીન મેળવવા અદાલતમાં અરજી કરતા અદાલતે આરોપીના વકીલ રાજેશ ગોસાઈ, વિશાલ જાની, એચ.આર. ગોહિલ, રજનીકાંત નાખવા, નિતેશ મુછડીયાની દલીલો ગ્રાહ્ય રાખી આરોપીને આગોતરા જામીન આપવા આદેશ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
