Author: નોબત સમાચાર
પાંચ વર્ષ પહેલાં લાંચ લેવાના ગુન્હામાં શિક્ષક તથા તેના પુત્રને સાત વર્ષની કેદ
શિક્ષિકા પાસે હુકમની અમલવારી માટે માંગી હતી લાંચઃ
જામનગર તા.૧ : જામનગર જિલ્લામાં શિક્ષિકા તરીકે બદલી કરી આપવા માટે રાજકોટના એક મહિલા પાસે પાંચ વર્ષ પહેલાં જે તે વખતે દ્વારકા જિલ્લામાં શિક્ષકની ફરજ બજાવતા એક શખ્સે રૂ.પપ હજારની લાંચની માગણી કરી હતી. તે રકમ ન આપવા ઈચ્છતા વ્યક્તિએ એસીબીમાં ફરિયાદ કરી હતી. એસીબીએ તે શખ્સના પુત્રને લાંચ લેતો પકડી પાડ્યો હતો. તે કેસ ચાલી જતાં અદાલતે આરોપી પિતા-પુત્રને સાત વર્ષની કેદની સજા ફટકારી છે.
રાજકોટમાં વર્ષ ૨૦૧૯ પહેલા એક યુવતી શિક્ષિકા તરીકે ફરજ બજાવતા હતા. તેઓએ પોતાની બદલી જામનગર જિલ્લામાં કરી આપવા માટે અરજી કરી હતી પરંતુ તેમની બદલીનો હુકમ નહીં નીકળતા આ શિક્ષિકા ગાંધીનગર સ્થિત શિક્ષણ વિભાગમાં રજૂઆત કરવા માટે પહોંચ્યા હતા. જ્યાં તેમનો સંપર્ક જામનગર જિલ્લામાં શિક્ષક તરીકે ફરજ બજાવતા રોશન જશુભાઈ પટેલ સાથે થયો હતો.
આ વેળાએ રોશન પટેલે બદલીના હુકમની અમલવારી કરાવી આપવા માટે રૂ.પપ હજારની લાંચ માંગી હતી. તેની વાતચીત આગળ વધ્યા પછી આ યુવતીના ભાઈએ જે તે વખતે લાંચ-રૂશ્વત વિરોધી શાખામાં ફરિયાદ નોંધાવી હતી તેથી છટકુ ગોઠવાયું હતું અને લાંચ આપવા ગયેલા વ્યક્તિ પાસેથી રોશન પટેલનો પુત્ર જીનલ રકમ સ્વીકારતો ઝડપાયો હતો.
આ શખ્સો સામે ગુન્હો નોંધાયા પછી એસીબીએ અદાલતમાં ચાર્જશીટ કર્યું હતું. તે કેસ ચાલી જતાં અદાલતે આરોપી પિતા-પુત્રને ભ્રષ્ટાચાર નિવારણ અધિનિયમની કલમ હેઠળ તકસીરવાન ઠરાવી સાત વર્ષની કેદની સજા અને રૂ.સાડા ચાર લાખનો દંડ ફટકાર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
