Advertisement
Author: નોબત સમાચાર

અંધાશ્રમ આવાસ પાસે યુવાન પર ફરી વળ્યું મહાકાય મશીનઃ બંને પગમાં ઈજા

ધ્રોલ પાસે મોટર પાછળ નાનો ટ્રક ટકરાયોઃ

જામનગર તા.૧ : જામનગરના અંધાશ્રમ પાસે ત્રણ સપ્તાહ પૂર્વે એક યુવાન હિટાચી મશીનની હડફેટે આવી જતાં તેઓના બંને પગ ઓપરેશનમાં કાપવા પડ્યા છે. જયારે ધ્રોલ પાસે ગઈકાલે સવારે એક મોટરની પાછળ નાનો ટ્રક ટકરાઈ પડતા મોટરમાં અંદાજે રૂપિયા એકાદ લાખનું નુકસાન થયું છે.

જામનગરના અંધાશ્રમ આવાસમાં અગાઉ વસવાટ કરતા અને હાલમાં ખંભાળિયા ધોરીમાર્ગ પર નાઘેડી ગામ પાસે રહેતા રાણાભાઈ ગોવિંદભાઈ અસ્વાર નામના યુવાન ગઈ તા.૧૨ની સાંજે અંધાશ્રમ આવાસ પાસે હતા ત્યારે એક હિટાચી મશીન પુરપાટ ઝડપે નીકળ્યંુ હતું. તેના ચાલકે બેદરકારીપૂર્વક ડ્રાઈવીંગ કરી રાણાભાઈને હડફેટે લેતાં આ યુવાનના બંને પગમાં ગંભીર ઈજા થઈ છે. તેઓએ મશીનના ચાલક સામે પોલીસમાં ફરિયાદ નોંધાવી છે.

લાલપુર શહેરમાં ચાર થાંભલા પાસે વસવાટ કરતા વિશાલ અરવિંદભાઈ વાછાણી ગઈકાલે સવારે રાજકોટ તરફથી જીજે-૩-સીઈ ૫૬૦૨ નંબરની મોટરમાં આવતા હતા ત્યારે ધ્રોલ પાસે હાલાર હોટલથી આગળ જીજે-૧૦-ટીવાય ૭૬૦૩ નંબરનો નાનો ટ્રક મોટરની પાછળ ટકરાઈ પડતા મોટરમાં રૂપિયા એકાદ લાખનું નુકસાન થયું છે. વિશાલ ભાઈએ ધ્રોલ પોલીસ સ્ટેશનમાં તે ટ્રકના ચાલક મૂળ મધ્યપ્રદેશ ના વતની અને હાલમાં જામનગરમાં લાલપુર બાયપાસ પાસે કુબેર પાર્કમાં રહેતા રાકેશ ધનાભાઈ વસુનીયા સામે ફરિયાદ નોંધાવી છે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh