Advertisement
Author: નોબત સમાચાર

દ્વારકામાં સાધુ સમાજ, ક્ષત્રિય વાઘેર સમાજ તથા વણકર સમાજના તબક્કાવાર સમૂહ લગ્નોત્સવો યોજાશે

વિરમભા આશાભા માણેક પરિવાર દ્વારા તા. ૩ થી પ ફેબ્રુ. દરમિયાન

દ્વારકા તા. ૧: દ્વારકામાં વિરમભા આશાભા માણેક પરિવાર દ્વારા ત્રણ સમાજના સમૂહલગ્નોત્સવનું આયોજન થયું છે. તેમજ તા. ૩-ર ના સર્વ સાધુસમાજ, તા. ૪-ર ના સમસ્ત ક્ષત્રિય વાઘેર સમાજ તથા તા. પ-ર ના વણકર સમાજના સમૂહ લગ્ન યોજાશે.

દ્વારકા પંથકના ભામાશા ગણાતા વિરમભા આશાભા માણેક પરિવારના ઉપક્રમે ધારાસભ્ય અને ઓલ ઈન્ડિયા ક્ષત્રિય વાઘેર સમાજના પ્રમુખ પબુભા માણેક દ્વારા આગામી ૩, ૪ અને પ ફેબ્રુઆરીએ ત્રણ વિવિધ સમાજોના સમૂહ લગ્નોત્સવનું આયોજન દ્વારકા-નાગેશ્વર રોડ ટ્રસ્ટ સંચાલિત નંદીશાળા-ગૌશાળાના પરિસરમાં કરવામાં આવ્યું છે.

જેમાં તા. ૩-ર-ર૦રપ ના સર્વ સાધુ સમાજના ૮ મા સમૂહલગ્ન યોજાશે. તા. ૪-ર-ર૦રપ ના સમસ્ત ક્ષત્રિય વાઘેર સમાજના ર૪ મા સમૂહલગ્ન યોજાશે. જ્યારે તા. પ-ર-ર૦રપ ના વણકર સમાજના સાતમા સમૂહલગ્ન યોજાશે.

તા. ૪ ફેબ્રુઆરીએ યોજાનાર સમસ્ત ક્ષત્રિય વાઘેર સમાજના સમૂહલગ્ન પ્રસંગે મુખ્ય અતિથિ પદે સંસદસભ્ય પૂનમબેન માડમ ઉપસ્થિત રહેશે. જ્યારે મુખ્ય યજમાનપદે ઓખાના માંડણભા વિરમભા માણેક રહેશે. આ ઉપરાંત દ્વારકાના સંતો-મહંતો, વિવિધ સમાજના આગેવાનો ઉપસ્થિત રહેશે.

સર્વે સાધુ સમાજના સમૂહલગ્નમાં ૧૦ યુગલો, સમસ્ત ક્ષત્રિય વાઘેર સમાજના સમૂહલગ્નમાં ૯૬ યુગલો તથા વણકર સમાજના સમૂહલગ્નમાં ૧૭ યુગલો લગ્નગ્રંથીથી જોડાશે.

 

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh