Author: નોબત સમાચાર
ગુજરાતમાં તમામ ગ્રામ પંચાયતમાંથી ૬૭ પ્રકારના પ્રમાણપત્ર મળી શકશે
રાજ્ય સરકારનો મહત્ત્વનો નિર્ણયઃ
ખંભાળિયા તા. ૧: રાજ્યના ગ્રામ્ય વિસ્તારના લોકો નાના-મોટા દાખલા લેવા તાલુકા મથકે તથા જુદી જુદી કચેરીઓએ ધક્કા ખાતા હોય, ગ્રામ પંચાયતોમાં ગામમાંથી જ જરૂરી પ્રમાણપત્રો મળી જાય તેવું રાજ્ય સરકારે આયોજન કરતા લોકોમાં રાહત ફેલાઈ છે.
મહેસુલ વિભાગ સંબંધિત પ૪ પ્રકારના દાખલા કે જેમાં વારસાઈ પ્રમાણપત્ર, દારૂખાનાનું વેંચાણ પરવાનગી, ટ્રસ્ટ માટે જમીન માંગણી, નાસ્તાની હોટલનું પ્રમાણપત્ર રીન્યુ કરવું, બીનખેતી જમીન હેતુફેર કરવા, સરકારી જમીન માંગણી, ખાનગી માલિકીના ઝાડ કાપવા, સ્મશાન, કબ્રસ્તાન માટે જમીન નીમ કરવા, બીનખેતી શરતભંગના એન.ઓ.સી. મેદાનો ભાડે આપવા વિગેરે તથા સામાજિક ન્યાય તથા અધિકારિક્તા વિભાગના દાખલા સામાજિક શૈ. પછાત વર્ગનું પ્રમાણપત્ર, નોન ક્રિમિલિયરનું પ્રમાણપત્ર, આર્થિક પછાત પ્રમાણપત્ર, નિરાધાર વૃદ્ધો, અપંગના દાખલા, રાષ્ટ્રીય કુટુંબ યોજના, જ્ઞાતિ (એસ.સી.) નો દાખલો વિગેરે ૧૩ જાતના પ્રમાણપત્રો પણ ગ્રામ પંચાયતો પાસેથી મળી જશે. તે માટે તાલુકા મથકે જવું પડતું. આ તમામ સેવાઓ પ્રમાણપત્રો માટે ગ્રામ્ય કોમ્પ્યુટર સાહસિક વી.સી.ઈ.ની ફી ૧૬ રૂ. તથા ગ્રામ પંચાયતના ચાર રૂપિયા મળી એક સેવાના ર૦ રૂ. લેવામાં આવશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
