Author: નોબત સમાચાર
જામનગરના ખુલ્લા ફાટક નજીકના બાવરીવાસમાં દેશી દારૂની ભઠ્ઠી ઝડપાઈ
લાલપુર તથા કોટડાબાવીસીમાં પણ દેશી દારૂ અંગે દરોડાઃ
જામનગર તા.૧ : લાલપુરમાંથી પોલીસે એક શખ્સને ઈંગ્લીશ દારૂની બોટલ સાથે પકડી પાડ્યો છે. સેવક ભરૂડીયા ગામ પાસે ધમધમી રહેલી એક શખ્સની દેશી દારૂની ભઠ્ઠી કબજે કરવામાં આવી છે. જામનગરના ખુલ્લા ફાટક પાસે ત્રણ મહિલા દ્વારા સંચાલિત ભઠ્ઠી પર પોલીસે દરોડા પાડ્યા છે. જામજોધપુરમાં કોટડા બાવીસી ગામ પાસેથી એક શખ્સ દારૂ સાથે ઝડપાયો છે.
લાલપુર શહેરમાં સ્મશાન પાસેથી ગઈકાલે રાત્રે પસાર થતાં મહંમદઅવેશ શબ્બીર ખલીફા નામના શખ્સને પોલીસે શકના આધારે રોકાવી તેની તલાશી લેતાં ઈંગ્લીશ દારૂની બોટલ મળી આવી હતી. પોલીસે બોટલ કબજે કરી અવેશની ધરપકડ કરી છે.
લાલપુર તાલુકાના સેવક ભરૂડીયા ગામથી ડબાસંગ તરફ જવાના રસ્તા પર આવેલા સાંગણ નારણ ઘોડા નામના શખ્સના મકાનમાંથી દેશી દારૂની ભઠ્ઠી મળી આવી છે. સ્થળ પરથી દારૂ, આથો, સાધનો કબજે કરાયા છે.
જામનગરના અશોક સમ્રાટનગરમાં હસીના દીનમામદ બ્લોચના મકાનમાંથી પણ દેશી દારૂની ભઠ્ઠી ઝડપાઈ છે. દિગ્જામ વુલન મીલ રોડ પર ખુલ્લા ફાટક નજીક બાવરીવાસ માં પાયલબેન મંગળ કોળી, સીતાબેન કૈલાસ પરમાર તથા સોમા જીવણ પરમાર નામના વ્યક્તિઓના રહેણાંકના ઝૂંપડામાંથી દેશી દારૂની ભઠ્ઠી ઝડપાઈ છે.
જામજોધપુર તાલુકાના કોટડાબાવીસી ગામની નદી પાસે પુલ નજીક દિલીપ ધરમશી પરમાર નામના શખ્સના મકાનમાંથી ચાર લીટર દેશી દારૂ પોલીસે કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
